Li navenda Îdirê jina bi navê Maîse Bayramova û zilamê bi navê Alî Mamak, di malekê de kuştin hatin dîtin.
Li Kolana Guzîdeyê ya girêdayî Taxa Baxlar a navenda Îdirê, ji avahiyeke 5 qatî dengê çekan hat. Li ser agahdarkirinê, di lêkolîn û kontrola ku li malê hat kirin de, jina bi navê Maîse Bayramova û zilamê bi navê Alî Mamak, bi mirî hatin dîtin. Hate zanîn ku Bayramova û Mamak bi çekê hatine kuştin.
Cenazeyên Maîse Bayramova û Alî Mamak ên ku bi awayekî gumanbar jiyana xwe ji dest dane, ji bo karûbarên otopsiyê rakirin morga Nexweşxaneya Dewletê ya Dr. Nevruz Eren a Îdirê.
Hat diyarkirin ku der barê bûyera gumanbar de lêpirsîn hatiye destpêkirin.
