Welatiyên Bergarê ya li Binarê Çiyayê Garê piştî sê salan bi zorê jî be ketin nava gundê xwe û bendên hatibû danîn pêşiya wan rakirin. Rewşa li gund dîmenên Xezayê nîşanî mirovan didin.
Welatiyên gundê Mijê û gundên derdor wê piştî salên dirêj derbasî nava gundên xwe bûn. Çavê gundiyan bi dîmeneke ku hema bêje gund temamî hatine wêrankirin ketine. Li nava gund tenê mizgeft û hinek jêrzemîn mane saxlem nexwe hemû yên din hilweşiyane.
Bi wêne û dîmenên ku gundiyan kişandine asta hovîtiya û wêrankariya li gund hatine kirin, radixe berçavan. Welatiyan anî ziman ku ya li Bergare pêk hatî ne tenê êrişeke leşkerî, heman deme tinekirina jiyan û jîngeha li herêmê ye. Ev êriş bûbû sedema têkçûna civakî û koçberbûna bi sedan malbatên li vê herêmê.
Her wiha welatiyan fikarên xwe li hemberî vê hovîtiyê ya ku civaka navneteweyî li hember wê bêdeng îfade kirin. Ev herêm ji ber stratejiya xwe tim di bin gefa êriş û bomberdûmana artêşa Tirkiyeyê de bû.
Hêjayî bibîr xistinê ye ji ber êrişên dagirker yên dewleta Tirk a li ser vê herêmê zêdetirî 20 gund hatibûn valakirin.
