Welatiyê 85 salî Mehmet Zekî Sayak ku 6 sal û 3 meh cezayê wî yê hepsê ji aliyê Dadgeha Bilind ve hat erêkirin, serê sibehê li Çewligê hat biçavkirin û dû re jî hat girtin.
Îro danê sibehê welatiyê bi navê Mehmet Zekî Sayak (85) ê ji gundê Xişoka bi ser navçeya Kanîreşa Çewligê ve li navenda bajêr di encama serdegirtina mala xizmek xwe de hat binçavkirin. Hat zanîn ku şeveqê leşkeran bi ser malê de girtin e û Mehmet Zekî Sayak kirine binçavan. Hat diyarkirin ku 6 sal 3 meh cezayê Mehmet Zekî Sayak ji aliyê Dadgeha Bilind ve hatiye erêkirin û welatî Zekî Sayak şandin Girtîgeha Xarpêtê.
Mehmet Zekî Sayak, di 13ê Îlona 2012an de li navçeya Kanîreşa Çewligê hatibû binçavkirin û sê roj piştre di 16ê Îlona 2012an de bi hinceta “yekîtî û yekparçebûna dewletê xera kiriye” hat girtin. Piştî salekê 19ê Îlona 2013an hat tehliyekirin û hinceta girtina wî ya “yekîtî û yekparçebûna dewletê xera dike” ji aliyê dadgehê ve hat xerakirin. Dadgehê vê carê bi hinceta “endamtiya rêxistinê” ew darizand û 6 sal û 3 meh cezayê hepsê li wî birî. Di sala 2019an de cezayê wî ji aliyê dadgeha bilind ve hat erêkirin û ev 6 sal bûn ji bo neyê girtin xwe diparast û vê şeveqê li mala xizmê xwe hatiye girtin.
