Serokê Amerîkayê Donald Trump got dibe ku welatê wî êrişên nû li dijî Îranê pêk bîne û Tehran bi binpêkirina peymanan tawanbar kir.
Serokê Amerîkayê Donald Trump îro diyar kir ku dibe ku Dewletên Yekbûyî yên Amerîkayê (DYA) di demjimêrên pêş de êrişên nû li dijî Îranê bikin. Trump destnîşan kir ku hîna pirsgirêka Îranê ji bo rêveberiya wî di rojeva sereke de ye.
Trump anî ziman ku armanca Amerîkayê ew e ku pêşî li Îranê bigire ku çekek nukleerî bi dest bixe û diyar kir ku heke lihevkirinên heyî vê yekê bi dest nexin, Washington dê ji bo rawestandina bernameya nukleerî ya Îranê bixebite.
Serokê Amerîkayê Tehran bi binpêkirina peyman û lihevkirinên berê tawanbar kir, rayedarên Îranî wekî “xapînok” bi nav kir û da zanîn ku DYA dê her tedbîrên ku ew ji bo parastina berjewendiyên xwe û yên hevalbendên xwe hewce dibîne bigire.
Trump destnîşan kir ku hedefgirtina tesîsên enerjiyê yên Îranê yan jî binesaziya krîtîk, di nav de Girava Xark, navendeke sereke ya hinardekirina petrola Îranê, vebijarkek e heke pêşketin wê ferz bikin.
Piştî Trump got ku di merasîma cenazeyê Rêberê Bilind ê Îranê Elî Xamineyî de mimkun bûya ku serokên Îranî bihata hedefgirtin daxuyaniyên wî bûn sedema nakokiyan.
