Serokê DYAyê Donald Trump ragihand ku dibe ku danûstandinên bi Îranê re heta dawiya hefteyê encam bide. Kongreya DYAyê jî biryareke nederbasdar li dijî şer derxist.
Serokê Deweletên Yekbûyî yên Amerîkayê (DYA) Donald Trump li Ofîsa Oval axivî. Trump got ku danûstandinên bi Îranê re bi awayekî erênî pêşve diçin û dibe ku dawiya vê hefteyê lihevkirinek çêbibe. Trump diyar kir ku danûstandin baş diçin lê encamek diyarkirî nîn e.
Tevî ku bi mehan danûstandinên di navbera Washington û Tehranê de dom kirin jî alî hîn li ser mijarên bingehîn negihîştine lihevkirinekê.
Li meclîsa nûneran biryara li dijî şer derket
Meclîsa Nûneran a DYAyê biryarek ku daxwaza bidawî anîna operasyonên leşkerî yên li dijî Îranê dike, derxist. Lê belê, ji ber hêza vetoyê ya Serokatiyê, ev biryar ne derbasdar e.
Dengdan ku ji hêla çar nûnerên Komarparêz ve hate destekkirin, nerazîbûna zêde ya li hember polîtîkayên şer nîşan da. Hat destnîşankirin ku bi taybetî bihayên enerjiyê yên zêde dibin, zextê li ser hikûmetê zêde dikin.
Ji Tehranê hişyariya şer
Wezîrê Karûbarên Derve yê Îranê Abbas Arakçî, ji televîzyona El Meyadîn a Libnanê re got ku di danûstandinan de hîn pêşketinek berbiçav çênebûye.
Rêveberiya Tehranê, her wiha hişyarî da ku ger Îsraîl êrîşên xwe yên li dijî Libnanê berfireh bike, dibe ku şerekî mezin dîsa li herêmê dest pê bike.
Li Lublanê agirbesta qurfbar
Lihevkirinek li ser pêkanîna agirbestek di navbera Îsraîl û Libnanê de hat ragihandin. Aliyan li hev kirin ku hin deverên pîlot di bin kontrola artêşa Libnanê de ava bikin.
Lê belê, pêkanîna peymanê bi şertê rawestandina êrişên Hizbullahê ve girêdayî ye. Lê Hizbullah hevdîtin red kir û ragihand ku ew ê êrişên xwe yên li dijî hedefên Îsraîlê bidomîne.
Trump dibêje ku divê pirsgirêkên Lubnanê ji ya Îranê cuda were nirxandin lê Tehran jî diyar dike ku herdu pirsgirêk bi hev ve girîdayî ne.
Nakokiya li ser bernameya nukleerî
Yek ji mijarên herî girîng ên di hevdîtinan de hîn jî depoyên uranyûma dewlemendkirî yên Îranê ne.
DYA û Îsraîl îdîa dikin ku Îran hewl dide çekên nukleerî pêş bixe, lê Tehran van îdiayan red dike.
Wezîrê Karûbarên Derve yê DYA Marco Rubio, têkildarê mijarê ragihand ku Îranê hîn daxwazên Washingtonê qebûl nekiriye.
Li kendavê rageşî zêde dibe
Êrîşên dawî yên li dora Tengava Hurmizê, agirbesta ku di 8ê Nîsanê de ketiye meriyetê dixe tengasiyê. Ji ber zêdebûna rageşiya li herêmê, bihayên petrolê dîsa bilind bûne.
Kuweytê Îran bi êrîşa li ser balafirgeha xwe sûcdar kir. Lê belê, Îranê îdia kir ku wan li hedefên leşkerî xistine, ne balafirgehê.
Rayedarên Kuweytê diyar kirin ku welat bi 13 fuzeyên balîstîk û 17 dronaneyan hatiye hedefgirtin.
Çav li daxuyaniya Xamaneyî ye
Trump got ku ew dixwaze bi Mucteba Xameneyî re, ku wekî rêberê olî yê Îranê tê hesibandin, bicive.
Çav li rêye ku Xameneyî di salvegera mirina damezrînerê Komara Îslamî ya Îranê Ruhullah Xameynî de daxuyanî bide.
