Nûnerê Amerîkayê yê berpirsyarê Sûriyeyê Tom Barrack tekildarî êrişên li ser Şêxmeqsûd û Eşrefiyê li ser malpera xwe ya Xê daxuyaniyek parvekir û xwest êrişên li ser taxan rawestin.
Nûnerê Taybet yê Amerikayê yê berpirsyarê Sûriyeyê Tom Barrack derbarê êrîşên li ser taxên Eşrefiye û Şêxmeqsûd ên Helebê li ser malpera xwe ya Xê daxuyaniyek belav kir û bangî hemû aliyan kir ku ji bo parastina sivîlan şer rawestînin.
Daxuyaniya Tom Barrack a ser Xê wiha ye: “Em taxên Şêxmeqsûd û Eşrefiyê bi dilgiraniyeke mezin dişopînin. Divê hemû alî şer rawestînin û jiyana welatiyên sivîl biparêzin. Dewletên Yekbûyî yên Amerîkayê bi nîgeraniyeke mezin bipêşketinên li taxên Eşrefiyê û Şêxmeqsûd ên Helebê dişopîne. Di 13 mehên borî de Sûriyeyê piştî bi dehan salên şerê wêranker, pêngavên dîrokî ber bi îstîkrar, lihevhatina niştimanî û avakirinê ve avêtin. Gotûbêjên girîng ên ku vê hefteyê bi nûnerên Îsraîlî re hatine lidarxistin, gaveke girîng ber bi aştiya herêmî ya berfirehtir ve nîşan didin. Em di vîzyona Sûriyeyek de ku ji bo her welatiyekî – Sunnî, Kurd, Durzî, Xiristiyan, Elewî û hemî civakên din – bê îstîsna – misoger dike, bi israr dimînin. Tenê vê hefteya borî, em li ber deriyê encamdana serkeftî ya peymana entegrasyonê ya 10ê Adara 2025an di navbera Hêzên Sûriyeya Demokratîk û hikûmeta Sûriyeyê de bûn. Peymanek ku dê hevrêziya ewlehiyê, rêveberiya hevbeş û yekîtiya neteweyî bi girîngî pêş bixe. Ev armanc bi bawerî dikare were bidestxistin. Bi hevalbend û hevkarên xwe yên herêmî yên berpirsiyar re, em amade ne ku hewlên ji bo kêmkirina rageşiyê hêsan bikin û ji bo Sûriyeyê û gelê wê derfetek nû peyda bikin ku rêya diyalogê li şûna dabeşbûnê hilbijêrin. Ji ber vê yekê em bangek lezgîn ji bo serokatiya hikûmeta Sûriyeyê, HSDê, rayedarên herêmî yên li deverên ku ji hêla Kurdan ve têne rêvebirin û hemî aktorên çekdar ên li ser erdê dikin: dijminatiyê rawestînin, tavilê rageşiyê kêm bikin. Pêşeroja Helebê û tevahiya Sûriyeyê ya gelê wê ye û divê bi rêbazên aştiyane were çareserkirin.”
