Girtiya bi navê Sonay Mengutay piştî 30 salan hate berdan û diyar kir ku 30 sal bila ji gelê me re feda bibe û wiha got: “Wekî tê zanîn pêvajo berdewam dike, em hebû parçeyê pêvajoyê ne. Em amade ne, ji destê me çi were em ê bikin.”
Sonay Mengutay di sala 1996an de li Erziromê hatibû girtin û li Dadgeha Ewlehiyê ya Dewletê (DGM) hatibû darizandin û cezaya muebbeta jê hatibû birin. Sonay Mengutay piştî 30 salan ji Girtîgeha Kocaeliyê hejmara 1an hate berdan û li pêşiya girtîgehê ji aliyê malbatên girtiyan û Komeleya Alîkarî û Piştevaniya bi Malbatên Girtî û Hikûmxwaran re ya Marmarayê (MATUHAY-DER), Tevgera Jinên Azad (TJA) û gelek kesan ve bi kulîlkan hatin pêşwazîkirin.
Piştî hate berdan Sonay Mengutay li pêşiya girtîgehê axafitinek kir û ev tişt got: “30 sal bila ji gelê me re feda bibe. Her çiqas ez keyfxweş bim jî ji bo min di girtigêhê de hevalên xwe hiştiye xemgîn in jî. Lê di demek nêz de em ê wan ji bibînin. Wekî tê zanîn pêvajo berdewam dike, em hebû parçeyê pêvajoyê ne. Em amade ne, ji destê me çi were em ê bikin.”
