Serokwezîrê Igilîstanê Keîr Starmer diyar kir ku welatê wî divê ji bo qonaxek demdirêj a pevçûna di navbera ABD-Îsraîl û îranê de amade bibe.
Serokwezîrê Igilîstanê Keîr Starmer di daxuyaniyek çapemeniyê de li ser şerê di navbera Îsraîl-DYA û Îranê de axivî. Stamer got ku hikûmeta wî bi pîşesaziya parastinê re dixebite da ku pergalên parastina hewayî bi cîh bike û hevkarên xwe yên li herêma Kendavê biparêze. Starmer diyar kir ku fikarên wan ên cidî li ser dabînkirina enerjiyê tune ye, lê divê hemû bala wan li ser kêmkirina bilez a rewşê be.
‘Dibe şer domdirêj be’
Stamer got ku planên wan li ser wê bingehê ne ku ev pevçûn dikare demek dirêj bidome. Serokwezîrê Igilîstanê ragihand ku ji bo şandina pergalên parastina hewayî dixebitin û da zanîn ku pergalên parastina hewayî yên menzîla kurt li Bahreynê bi cih kirine û ev pergal dê li Kuwêt û Erebistana Siûdî jî werin bi cihkirin. Stamer teqez kir ku ev mijar ji dawiya hefteya borî ve derketiye astek girîngî û lezgînî û ragihand ku ew dê bi wezîrên xwe re civînek awarte li dar bixe.
Starmer di 18ê Adarê de destûra bikaranîna bargehên Îngilîstanê dabû DYAyê ku li dijî Îranê bikarbîne.
