Şaredariya Peyasê ji bo xurtkirina cotkariyê û çûnûhatê li ser Gola Dengecûkê ya Avdaniyê ya navçeya Peyasê ya Amedê dest bi xebatên çêkirina rê kir. Bi vê xebatê re dê gundiyên li her du aliyên golê dimînin karibin zûtir û hêsantir xwe bigihînin nav zeviyên xwe.
Şaredariya Peyasê, li ser daxwaza gundiyên herêmê daxwazên hilberîneran li ber çavan girt û tîmên Karên Fenî şandin qadê. Di çarçoveya xebatan de, li ser Gola Dengecûkê boriyên avê tên bişeftandin, karên dagirtina axê û çêkirina rêyên gihandinê bi lez berdewam dikin.
Çûnûhatina hezar donim erd hêsan dibe
Bi temamkirina rêyê ya li ser Gola Dengecûkê ya Avdaniyê dê cotkar bi hêsantir xwe bigihînin hezar donimê zeviyên çandiniyê û nehçeya Alçaxê. Herwiha dermankirin, avdanî û rakirina zeviyan jî dê hem hêsantir bibe hem jî dê dahatuya zeviyan ji ber mesrefên çûn û hatinê kêm dibin dê zedetir bibe.
