Gerînendetiya Polîtîkayên Jinan û Gerînentiya Xizmetên Ciwan û Werzîşê ya Şaredariya Peyasê bi hev re ji bo jinan dest bi qursên xweparastinê yên Kick-box yên belaş dike.
Di demeke ku tundiya li dijî jinan bûye pirsgirêkek e mezin de, Şaredariya Peyasê dê qursên xweparastinê yên kick-boxê pêşkêş bike da ku jinan bihêz bike û li hember tundiyê xwe biparêzin. Qurs dê li Kompleksa Werzîşê ya 500 Evler, Navenda Jiyanê ya Jinan, Bazara Keda Jinan û Navenda Jiyanê ya 500 Evler ê yên şaredariyê, wekî beşek ji însiyatîfeke hevpar a Gerînendetiya Polîtîkayên Jinan û Gerînendetiya Xizmetên Ciwan û Werzîşê bên lidarxistin.
Xweparastin ne tenê teknîkeke fîzîkî ye
Di daxuyaniya ku ji aliyê şaredariyê ve li ser mijarê hat dayîn de hat gotin: “Zêdebûna tundiyê di jiyana me ya rojane de ne tenê ji hêla êrişên fîzîkî ve, her wiha ji hêla gelek norm, zagon û medyayê ve jî tê meşandin. Ji bo jinan, xweparastin ne tenê teknîkeke fîzîkî ye; di heman demê de pratîkeke berxwedan û bihêzkirinê ye. Ev kurs dê ji bo jinan bibe qadeke hevgirtinê da ku sînorên xwe biparêzin, pêşî li êrîşan bigirin û mafê xwe yê parastinê bi kar bînin. Em ê li dijî tundiya li ser jinan, bi mezinbûna têkoşîna takekesî û civakî re, bi hev re li hember bisekinin.”
Daxwaza serlêdanê ji bo kursên ku hatiye dest pê kirin, heta 20ê Kanûnê tên qebûlkirin û kurs dê di 5ê Çileya 2026an de dest pê bike.
