Şaredariya Rezanê a bi dirûşma “Kêf û şahî, werzîş, huner û tenduristî tev bi hev re” li Parka Mîllet “Şahiya Havînê ya Gerok” li dar xist.
Şaredariya Rezanê ya Amedê ji bo şêniyên navçeyê çalakiya bi navê “Şahiya Havînê ya Gerok” a bi dirûşma “Kêf û şahî, werzîş, huner û tenduristî tev bi hev re” li Parka Mîletê li dar xist. Di çarçoveya şahiyê de ji muzîkê heta kargehên jinan, ji lîstikên zarokan heta xizmetên tenduristiyê gelek bernameyên rengîn hatine pêşkêşkirin.
Hevşaredarên Rezanê Leyla Ayaz û Sîraç Çelîk derketin ser dikê û xêrhatina welatiyên ku beşdarî bernameyê bûne kirin.
Hevşaredar Sîraç Çelîk di axaftina xwe de bal kişand ser berdewamiya bernameyan û diyar kir ku ev dê bernameyûn wan ranewestin. Sîraç Çelîk destnîşan kir ku şahiyên wan dê heta payîzê her hefte li parkeke cuda berdewam bikin.
Piştî axaftinan, şahî bi konser û xebatên kargehan berdewam kir.
