Rojnameger Metîn Yoksû yê ku di çarçoveya lêpirsîna Artvînê de ji bo îfadeyê çû dozgeriyê, ji hêla Dadgeriya Cezayê ya Sulhê ya Êlihê ve hat girtin.
Rojnameger Metîn Yoksû di çarçoveya lêpirsîna Artvînê de ji bo îfadeyê çû Edliyeya Êlihê. Rojnameger Yoksû beriya îfadeyê bide dozgeriyê, li ser hesabê xwe yê medyaya dîjîtal ev tişt parve kir: “Ji ber ku ez rojnameger im, çend roj berê bi ser malan min de girtin. Ev ne cara yekem e ku ez ji ber karên xwe yên rojnamegeriyê têm darizandin. Ez niha diçim dozgeriyê. Encam çi dibe bila bibe, ez her tim rojnameger im.”
Rojnameger Yoksû piştî îfadeya dozgeriyê bi sûcdariya “endamtiya rêxistinê” ji aliyê Dadgeriya Cezayê ya Sulhê ve hat girtin. Xebatkarê Sendika.Orgê Ozan Cirik û rojnameger Eylem Emel Yilmaz, Dîcle Başturk û Yavuz Akengîn ji ber heman lêpirsînê hatibûn girtin. Rojnameger Semra Pelek, Melîsa Efe û Omer Bulenter bi şertê kontrala edlî hatibûn berdan.
