* Dayikên ku tev li Kongreya TUAY-DERa Amedê bûne têkildarî qanûna çarçoveyî ya pêşkeşî Meclisê hatiye kirin xwestin hemû girtiyên siyasî bên berdan û wiha gotin: “Em dixwazin aştiyeke mayînde pêk were, da ku hemû mirov bigihin aramiyê.”
* Hevserokê OHDê Serhat Çakmak diyar kir ku qanûna çarçoveyî di çareseriya pirsgirêka Kurd de qonaxeke dîrokî ye û got: “Ev qanûn nîşan dide ku deriyê hiqûqê ji bo Kurdan hate vekirin. Ji bo pêşketina pêvajoyê jî gavavêtina herî krîtîk û girîng azadiya birêz Ocalan e.”
* Qanûna çarçoveyî a ji 12 xalan pêk tê di 5ê Tebaxê de pêşkêşî meclisê hat kirin. Siyasetmedar Diyadîn Tûrhan ê piştî 32 salan di girtîgehê de derketiye diyar kir ku di nava qanûna hatiye meclisê de hêj jî kêmasî hene û got: “Divê amadekirina xalên qanûnê li gorî gavavêtina pêvajoyê bûya.”
* Welatiyên Wanî têkildarî qanûna çarçoveyî ya “Xurtkirina hevgirtina neteweyî û yekparebûna civakî” bal kişandin ser hêmaya wekhevî û azadiyê û xwestin di serî de Rêberê Gelê Kurd Abdullah Ocalan, hemû girtiyên siyasî werin berdan.
* Mîhrîcana Girê Koxê ya piştî 12 salan li navçeya Gimgim a Mûşê tê lidarxistin, di roja dawiyê de berdewam dike. (10:00 – 24:00)
*MEBYA-DERa Sêrtê bi dirûşma “Bi têkoşîn û piştevaniyê em ê xwedî li nirxên xwe derkevin” dê kongreya xwe ya asayî ya yekemîn li dar bixe. (10:00-14:00)
* 58emîn Mîhrîcana Çand û Hunerê ya Tetwanê dê di roja dawiyê de berdewam bike. (13.00 – 24:00)
*Di pêşengtiya Platforma Şiyar Be de dê di çarçoveya pêngava “Rabin” de li gundê Kabê yê navçeya Sûrê civîna gel bê lidarxistin. (19.00)
