* Parlamenterê DEM Partiyê Serhat Eren derbarê çalakiya nobeda ya ji bo girtiyên nexweş de diyar kir ku rêya aştiyê di girtîgehan re derbas dibe û got: “Ji bo me ezmûna ji dilbûnê girtîgeh û girtiyên nexweş in. Heke pirsgirêka girtiyên nexweş çareser nebe em nikarin qala aştiyê bikin.”
* Serokê Komîsyona Hawirdor û Bajêr a Baroya Amedê parêzer Ahmet Înan got ku xebatên GESê, lêgerîn û derxistina petrolê yên li Amed û bakurê Kurdistanê dibe sedema wêrankirina xwezayê, qirêjkirin û tunekirina çavkaniyên avê û xizanîkirina civaka herêmê.
* Hevseroka PENa Kurd Rojbîn Perîşan û Sekreterê Giştî yê PENa Kurd Azad Zal bal kişandin ser rol û rista wêje û nivîskaran. Rojbîn Perîşan destnîşan kir ku divê wêje bi awayek baş dahurandina nakokiyên civakê bike û pêşkeş bike. Azad Zal jî diyar kir ku divê nivîskar di karê xwe de azad û serbixwe tevbigerin da ku karibin pêşengtiya civakê bikin û bi roleke avakar rabin.
* Li cîhanê di şerê sala 2025an de herî kêm 6 hezar û 266 zarok bûne qurbanê şer. Li Tirkiyeyê jî di qezayên kar de di salek dawî de 95 zarokên karker bûne qurbaniyên cînayetên kar.
* Birîndar Gezîcî di 17 saliya xwe de bi îşkenceyê li Bazîdê hatiye girtin û ev 3 sal in di girtîgehê de ye. Bavê wî Emîn Gezîcî derbarê rewşa lawê xwe de da zanîn ku rewşa tenduristiya lawê wî ne baş e û îdareya girtîgehê xemsar tevdigere.
* Aktivîsta TJAyê Medîne Efe derbarê xebatên 25ê Mijdarê Roja Têkoşîna Li Dijî Tundiya Li Ser Jinan a Navneteweyî nirxandin kir û wiha got: “Li dijî polîtîkayên şerê taybet, bêcezatiyê û tundiyê em ê kolan bi kolan rêxistinbûna xwe xurttir bikin.”
* Dayika Aştiyê Kadriye Gezîcî ji bo aştî û azadiyê hem ji warê xwe dur ketiye hem jî di têkoşîna azadiyê de bira û lawekî wê canê xwe ji dest dane. Kadriye Gezîcî ya ku lawekî wê hê jî di nava Tevgera Azadiyê de têkoşîna xwe didomîne, behsa têkoşîna aştiyê kir û got: “Ez hêza tekoşînê ji şehîdên xwe digirim.”
* Serokê Meclisê Numan Kurtulmuş derbarê sazkirina Desteya Çavderiyê ya ji bo pêvajoya Aştî û Civaka Demokratîk de dê li Meclisê daxuyanî bide. (12:00)
* Berdevka DEM Partiyê Ayşegul Dogan derbarê geşedanên di rojevê de dê li navenda giştî ya partiya xwe civîna çapemeniyê li dar bixe. (13:00)
* Malbatên girtiyên nexweş, OHD, ÎHD û DEM Partî dê çalakiya nobedê ya bêdem ku li ber Wezareta Dadê danê destpêkirin di roja 3yemîn de bidomînin. (14:00)
Kirmanckî
* Serekê Şubeya Egîtîm Senî yê Dêrsimî Mehmet Aşkinî reaksîyonê xo mojna ke bînayê walîtî û edlîye ameyî berdiş zerreyê kampusê Unîversîteya Munzurî. Mehmet Aşkinî vat ke na rewşe cuya rojane ya wendekaran û kedkaranê perwerde û zanistî ser o tesîrêko xirab kerdo.
* Serekê Komîsyonê Dorûver û Şaristanî yê Baroyê Amedî avûkat Ahmet Înanî vat ke xebatê GES’î, cigêrayîş û vetişê petrolî yê Amed û Bakurê Kurdîstanî benê sebebê xirabekerdişê tebîetî, qilêrinbîyayîş û vîndîbîyayîşê çimeyanê awe û feqîrkerdişê şarê mintiqa.










