* Hevserokê KNKê Ahmet Karamus diyar kir ku di civata giştî ya KNKê de yek ji mijara sereke yekîtiya neteweyî ya Kurd bûye û got: “Ji her demê zêdetir pêdiviya me bi yekîtiya neteweyî heye. Heke em yekîtiya xwe pêk neyînin em ê di vê sedsalê de jî bêstatu bimînin.”
* Hevşaredarê Bajarê Mezin ê Wanê Abdullah Zeydan peyama ku Rêberê Gelê Kurd Abdullah Ocalan ya ji konferansa rêveberiyên xwecihî re şandibû nirxand û got: “Serokatî dibêje, ‘Sermayeya rêveberiyên herêmî gel e’. Em fikr û ramanên gelê xwe, şîret û rexneyên gelê xwe li ber çavan bigirin, em ê tu caran nekevin kêmasiyê. Gel bi te re be, tu hêz nikare serê te bitewîne û tu yê her tim jî serkeftî bî.”
* Ciwanê Kurd Ahmet Tabû û hevalê wî Mehmet Agîd Bagdû li Girtîgeha Balafirgeha Zurîhê ya Swîsreyê dest bi çalakiya birçîbûnê kirine. Ahmet Tabu bang li raya giştî kir û diyar kir ku tevî hevalê xwe Mehmet Agîd Bagdu li dijî biryara deportkirinê û nêzîkatiyên dermirovî, ji 2yê Hezîranê ve di çalakiya greva birçîbûnê de ne.
* Sporvanê Kurd a Lîga Şervanên Profesyonel Herde Kerîm li Dubaiyê derkete turnuvayê li ser wî vekirina alaya Iraqê tê ferzkirin. Herde Kerîm diyar kir ku dema di hişê wî de re derbas bû ku alaya Iraqê rake, Enfal û Helebce hatine bîra wî û got: “Ez fikirîm ku bêrûmetiyeke mezin li min hatiye kirin, ji ber ku em li ser wê yekê li hev hatibûn ku alaya Kurdistanê di destê min de be û ez bikarim alaya Kurdistanê bikar bînim.”
* Parlamentera DEM Partiyê Sumeyye Boz anî ziman ku ji bo civakeke azad, mîna ku Rêberê Gelê Kurd Abdullah Ocalan jî di parastinên xwe de diyar kiriye, divê têkiliya jin û mêr li ser esasên modernîteya demokratîk ji nû ve bê avakirin.
* Malên kevirî yên li gundê Kûç û gundê Hecî Memed yên Xîzanê bi sed salan e li ber xwe didin û bi xweşikiya xwe balê dikişînin ser xwe.
* Konferansa Rêveberiyên Xwecihî ya Demokratîk a DEM Partiyê ku li Çand Amedê duh dest pê kir dê di roja duyemîn de îro bi dawî bibe. (09:30-17:00)
* Hevseroka Giştî ya DEM Partiyê Tulay Hatîmogullari dê di komcivîna partiya xwe de li Meclîsê biaxive. (12:45)
* Rêxistinên Jinan li Îzmîrê dê li ber Avahiya Navenda Pîvan, Bijartin û Bicîhkirinê (OSYM) ji bo protestokirina biryara nafakayê daxuyanî bidin. (19:00)
