* Hevserokê KNKê Ahmet Karamus anî ziman ku tu ji her demê zêdetir ji bo yekitiya netewî derfet derketine holê û got: “Heviyeke me ye xurt heye ku em ê di demên pêş de karibin mîzgîniyekê bidin gelê xwe.”
* Rojnameger Ercument Akdenîz têkildarî sansura dîjîtal diyar kir ku gotina ‘belavkirina agahiyên şaş ku civakê dixapîne’ di ser serê rojnamegeran de wekî şûrê demokrasiyê disekine û got: “Ji bo derbaskirina qedexe û sansûra dîjîtal, saziyên çapemeniyê dikarin konferansekê li welat li dar bixin. YP, DEM Parti, Koma Yeni Yol, partî û derdorên çep û sosyalîst dikarin bi hev re mîtîngeke mezin bi sernavê ‘ji sansûr û tarîkirina mezin re na’ organîze bikin.”
* Waliyê Stenbolê Davût Gul derbarê operasyonên 9 mehan ên sala 2026an de daxuyanî da. Walî girtinên beriya pîrozbahiya Newrozê û Lûtkeya NATOyê yên bi hinceta “dikare çalakî bike” wekî operasyonên “li dijî rêxistinê” pênase kir û di mijarên çeteyên nûjen û tiryakê de rastiyan berovajî kir.
* Li Qersê jinên Kurd, Azerî, Terekeme, Yerlî hwd. di demsala payîzan de li hev dicivin û bi awayekî komîn rişteyan çêdikin. Bi vî awayî him çanda xwarinê ya herêmê diparêzin him jî xebata kolektîf pêş dixin.
* Deriyê Meher ê ji serdema Ûrartûyan maye, weke berhemeke bêhempa giringiya xwe diparêze. Ev berhem derbarê jiyana olî, civakî, aborî û çandî ya Ûrartûyan de gelek agahiyên girîng dide.
* Rêveberê Komeleya Wêjekarên Kurd Ahmet Tamîr ku yek ji îmzakarê deklerasyona “Ji bo Komara Demokratîk û Aştiyê 1001 îmze” ye, diyar kir ku Rêberê Gelê Kurd Abdullah Ocalan hewl dide pirsgirêkan bi rêya aştiyê çareser bike û got: “Em hemû sazîçiqas ji vê bangawaziyê re bibin deng, dê ewqas bigihe mebesta xwe.”
* Welatiyên gundê Şidada yê navçeya Dihê ya Sêrtê anîn ziman ku ew kizwanan dikin sabûn, qehwe, rûn, melhem û wiha gotin: “Sabûna kizwanan ji bo, bîrovê, egzemayê, qelşên binî lingên mirov baş e.”
* Tora Têkoşîna li Dijî Tundiyê ya Amedê, li dijî zêdebûna bûyerên kuştina jinan li ber Edliyeya Amedê “Nobeda Jin, Edalet û Bîrê” da destpêkirin. Jinên tev li nobedê bûne peyamên berxwedana jinan dan.
* OHD, ÎHD û Baroya Wanê dê derbarê revandin û ferzkirina sîxuriyê ya li ser ciwanên Kurd, li Qada Bajêr a navçeya Rêya Armûşê daxuyaniyê bidin. (12:00)
