* Rojnameger Sînan Cûdî bandora paşvekişîna DYAyê ya li Iraqê nirxand û diyar kir ku Hewlêr bêsîwana ewlehiyê maye û bal kişand ser gefên mîlîsên Şîa, DAIŞê û wiha got: “Pêşmerge ji şerê nûjen re ne amade ye. Çareserî ne hêzên derve ne, beriya her tiştî divê yekîtiya navxweyî û xeta xweparastinê ya Kurd bê avakirin.”
* Di hejmara 9emîn a Kovara Ozgur Halkê de, ji nivîskarên kovarê Şiyar Amed bi gotara xwe ya bi sernavê “Bi Ruhê Înşaya Civakî ber bi Pratîka Azadiyê ve” mijara avakirina civakî, rihê pratîkê û pêngavên şoreşgerî yên serdemê dinirxîne. Amed diyar dike ku têkoşîn tenê bi îdeolojiyê nasikine, divê ev îdeolojî di nav jiyana rojane de bibe avakirina civakeke nû û xwerû.
* Dayika Remziye Canbey behsa jiyan, sekna li dijî zextan û rêwîtiya tevlibûna keça xwe Gulistan Canbey (Aso Dîren Têkoşîn) kir û wiha got: “Şeva dawet qediya û her kes belav bû, me dît ku Aso winda bûye. Em lê geriyan lê me nedît û min zanî ku wê rêya jê bawer dike hilbijartiye.”
* Du xwişk Seda Acar (Amara Zîlan Ararat) û Kubra Acar (Amara Zîlan) li pey hev ji bo azadî û parastina hebûna gelê Kurd berê xwe didin çiyayên Kurdistanê. Dê û Bavên her du xwişkan dixwazin cenaze û gorên keçên xwe peyda bikin û alîkariyê dixwazin.
*10emîn Pêşengeha Pirtûkan a Amedê ku li Navenda Fûar û Kongreyê ya Navneteweyî ya Mezopotamyayê tê lidarxistin dê îro bi dawî bibe. (10:00-19:00)
* Endama Navenda Lêkolînê ya Kovara Jîneolojiyê rojnameger-nivîskar Nagîhan Akarsel dê di salvegera 4emîn a qetilkirina xwe de li ser gora xwe ya li gundê Gulyazi ya navçeya Cîhanbeylî ya Konyayê bê bibîranîn. (13:30)
* Rojnameger û nivîskar Nagîhan Akarsel dê di salvegera şehadeta xwe ya 4emîn de li Komeleya Ji Bo Pêşerojê Li Vir in a li navçeya Peyasê ya Amedê bê bibîranîn. (14:00)
* Şaxên MKG, DFG û Jineolojiyê yên Wanê, dê li eywana ŞanoWanê rojnameger û endama akademiya Jineolojiyê Nagîhan Akarselê di 4emîn salvegera kuştina wê de bi bîr bînin. (15:00)
* Kovara Jinelojiyê û Komeleya Rojnamegeran a Mezopotamyayê ya Jinan (MKG) ji bo 4emîn salvegera qetilkirina rojnameger û nivîskar Nagîhan Akarsel dê li avahiya DEM Partiyê ya Bahçelîevlera Stenbolê bernameya bîranînê li dar bixe. (15:00)
