* Bi pêşengiya DBPê dê li Amedê di 4-5ê Tîrmehê de Komxebata Aboriya Demokratîk û Rêxistinbûna Aboriyê bê lidarxistin. Ji Komîteya Amadekar a komxebatê Hulya Alokmen der barê komxebatê de axivî û wiha got: “Dema ku em li Kurdistanê dinêrin, hem di warê erdnîgarî de hem jî di warê xwezayê de xwedî aboriyek pir dewlemend e. Axa me pir dewlemend e. Lê belê gava ku behsa Kurd û Kurdistanê tê kirin, ev her tim bi xizantî û bi tinebûnê tê naskirin.”
* Bi mazûvaniya OHDê dê di 4-5ê Tîrmehê de li Amedê Konferansa Hiqûqnasên Kurd a Demokratîk bê lidarxistin. Hevserokê Şaxa OHDê ya Amedê Muhîtîn Mûgûç da zanîn ku armanca wan a sereke ew e li ser rûbirûbûna astengiyên li pêşiya azadî, aştî û statuya gelê Kurd û peymana nû ya civakî nîqaşan bikin.
* Endamê Sendîkaya Meclîsên Teqawidan Mehmet Emîn Bel derheqê pirsgirêkên debarê yên teqawîtan û astengiyên ku pê re rû bi rû dimînin de wiha got: “Heta ev pergal neyê guhertin, ne rewşa teqawîtan, ne jî ya kesên bi keda xwe dixebitin baş dibe.”
* Encamnameya Konferansa Zimanê Kurdî ku di 27 û 28ê Hezîranê de li Amedê hate lidarxistin dê li Çand Amedê bê eşkerekirin. (11:00)
* 8emîn Rojên Ma Musicê ku dê 3 rojan berdewam bikin wê îro li Eywana Alî Emîrî ya Şaredariya Bajarê Mezin a Amedê dest pê bike. (19:00)
