* Hat zanîn ku AKP di rojên dawî de siyaseta mijûlkirinê xistiye dewrê û dixwaze pêvajoyê yek alî bi rê ve bibe. Li gorî agahiyên me ji çavkaniyên pêbawer wergirtiye; çarçoveya devkî ya ji wan re hatiye ragihandin gelek bi pirsgirêk bûye û çavkaniyan wiha got: “Li Îmraliyê li ser çarçoveyekê mutabakat pêk hat. Lê di çarçoveya ku rayedaran bi devkî ragihandin de hate dîtin ku hin alî hatine deformekirin û ji rastiyê wê hatiye dûrxistin.” Li gorî çavkaniyan; Heyeta DEM Partiyê ev helwest û nêzîkatî red kiriye û xwestiye ku bi muzakereyê pêşnûmayek li gorî mutabakata li Îmraliyê bê amadekirin.
* Endamê Şaxa SESê ya Amedê û Platforma Şiyar Be derûnnas Recep Orûç li ser pêngava “Rabin” a ku li dijî hişbirê dane destpêkirin diyar kir ku divê meseleyê tenê li ser milê saziyekê nehêlin û ev bang li gel kir: “Ji bo pêşeroja civak, zarok û ciwanan divê gel hemû mil bide hev û vê pirsgirêkê bi awayekî hevpar çareser bikin.”
* Welatiyên bi navê Bişar Îçlî, Şermîn Guven û Semîha Yildiz bi piştevaniya Weqfa Spore Initiativeyê, broşureke bi navê “Çem Jiyanê Nexş Dikin” amade kirin û di broşurê de armanc dikin ku parastin, girîngî û bîra avê were fêmkirin û naskirin.
* Endamên Sekreteryaya Înîsiyatîfa Yekîtiya Demokratîk Rûmeysa Gulmez û Omer Şaybak derheqê girîngiya însiyatîfê û yekîtiya neteweyî de axivîn û gotin: “Yekîtiya Kurdan wekî nan û av pêwîst e û Înîsiyatîfa Yekîtiya Demokratîk dîplomasiya naxweyî ya Kurdan e.”
* Li herêma Serhedê derdora 100 projeyên aktîv ên HES, JES û GESê hene û talana xwezayê di asta herî jor de ye. Endama Komeleya Ekolojiyê ya Wanê Ayşe Ergun ku behsa polîtîkayên talanê kir û da zanîn ku divê mirovahî li gel xwezayê jî aştiyê pêk bîne.
* Neviyê Şêx Seîd û siyasetmedar Hasan Basrî Firat ê di 27ê Tîrmehê de li Almanyayê jiyana xwe ji dest dabû, dê li gundê Qolhesar ê navçeya Xinûsa Erziromê bê veşartin. (11:00-18:00)
* Festîvala Çand û Xwezayê ya Mûnzûrê ku îsal cara 24emîn tê lidarxistin dê di roja 2yemîn de bi çalakiyên cihêreng berdewam bike. (12.00-22.00)
* Berdevka DEM Partiyê Ayşegul Dogan dê derbarê mijarên di rojevê de li navenda giştî ya partiya xwe civîna çapemeniyê li dar bixe. (13:00)
* Şaredariya Rêya Armûşê ya Wanê dê li taxên Xaçort û Taxa Seyîd Fehîm Arvasî 2 navendên werzîşê veke. (13:30)
* Navenda OHDê û MED TUHAD-FED dê rapora xwe ya 6 mehan a derbarê binpêkirinên mafan ên girtîgehan amade kirine li avahiya MED TUHAD- FEDê ya li Amedê bi civîneke çapemeniyê ji raya giştî re eşkere bike. (15.00)
* Festîvala Xweza û Çandê ya Depê ku dê sê rojan berewam bike, îro bi danîna dîwana dengbêjan dest pê dike. (18.00)
* 58emîn Mîhrîcana Çand û Hunerê ya Tetwanê dê bi meşekê dest pê bike. (18:30)
Kirmanckî
* Mamosteyo İxrackerde Hasan Alî Kiliç derheqê prosesê Aştî û Komelê Demokratîkî de vengdayîşê dewlete kerd û vat: “Ganî qanûnêk seba mexduranê KHK’yî bêro viraştene ke, kesê ke bi KHK’yî îxrac bîyî, agêrê karê xo ser. Nê welatî de heme şararn rê aştî û huqûq lazim o.”
* Festîvala Kultur û Xoza ya Munzurî ya 24. ye ke bi şîarê “Seba Hafiza û Ciwîyayişêko Azad; Ma xoza, ziwan, kultur û bawerîya xo ra wayîr vejînê” roja 3. de merkezê Dêrsim’de bi panel û konseran dewam kena. (12:00-22:00)
