ROJEVA 2yê COTMEHA 2026an
* Parlamentera DEM Partiyê ya Êlihê Zeynep Odûncû Kûtevî derbarê pêvajoyê de axivî, diyar kir ku ji bo ku aştiyeke mayînde pêk were divê dest ji têkoşînê neyê berdan û got: “Ji bo vê yekê divê destê birêz Ocalan bê girtin da ku pêvajo xurttir bibe.”
* KASED di serdema nû de dê bi gelek xebatên çandî û hunerî derkeve pêşberî gel. Endama KASEDê Neşe Toprak da zanîn ku gava jin tên KASEDê, pir kêfxweş û kelecan dibin ku qadek tenê ji bo wan hatiye avakirin û wiha got: “Di heman demê de em dixwazin zarokên Amedê her tim werin KASEDê.”
* Nivîskar û welatiyên ku tev li Pêşengeha Pirtûkan a Amedê bûn diyar kirin ku li gorî salên berê eleqeya ji bo pêşengehê kêm e û anîn ziman ku rewşa aboriyê bandorê li ser pêşengehê kiriye.
* 10emîn Pêşengeha Pirtûkan a Amedê dê di roja 7emîn de li Navenda Fûar û Kongreyê ya Navneteweyî ya Mezopotamyayê berdewam bike. (10:00-19:00)
* Tora Têkoşîna bi Tundiyê re ya Amedê dê deklarasyona “Nobeta Jin, Edalet û Bîrê” li Komeleya Jinan a Rosayê eşkere bike. (12:30)
* Platforma Ked û Demokrasiyê ya Amedê dê serdana karkerên ku ji karê înşeata Nexweşxaneya Bajêr a Amedê ku tê çêkirin hatine avêtin û dest bi greve kirine, bike û li wir daxuyaniyê bide çapoemeniyê. (18:00)
* Endamê Tevgera Azadiyê Mazlûm Tekdag ku di 2019an de jiyana xwe ji dest dabû û şehîdên meha Cotmehê dê li avahiya Rêxistina DBPê ya Amedê bi bernameyekê bên bibîranîn. (18:30)
* Endama Navenda Lêkolînê ya Jîneolojiyê Nagihan Akarsel dê di 4emîn salvegera qetilkirinê de li navenda Çanda Anatoliyayê ya Enqereyê bê bibîranîn. (18:30)
