*Cahît Coşkûn (Ferzad Sêdar) ku di hezîrana sala 2021an de li Xerzanê şehîd dikeve, bi ked û jêhatîbûna xwe di bîra dayika xwe de hêj zindî ye. Dayik Guler Coşkûn keda lawê xwe bi bîr anî û got ku rihê Cahît 20 qat ji qalibê wî mezintir bû.
* Nûçegihanên Jinnewsê Rabîa Onver û Nazlican Nûjîn Yildiz salvegera avakirina Jinnewsê pîroz kirin û gotin: “Medya qada serdestiya mêran e û di qada ku feraseta mêran lê zêdeye, xwe ferz dike û dengê wan zêdetir derdikeve de bilindkirina dengê jinan û pêşxistina jinan girîngiyeke jiyanî ye.”
*Welatiyên Wanî ku erişên di demên dawiyê de yên li ser dibistanan diqewimin nirxandin, diyar kirin ku hemû berpirsiyarî ya dewletê ye û gotin: “Perwerdehiya herî girîng exlaq e.”
*Selahattîn Odûncû yê ku bi salan e cotkariyê dike diyar kir ku danîna tutunê di salên dawî de gelek baş e û destnîşan kir ku cotkar di tutunê de qezenceke baş dikin û wiha axivî: “Dema ku 10-15 ton jê bê, milyon û nîv an jî du milyon pere jê tê. Ew jî ji bo cotkaran dibe sermiyanekî.”
* Kongreya Dêrûnnasiyê ya Mezopotamyayê ku dê sê rojan li Amedê bidome dê li Eywana Alî Emîrî ya Şaredariya Bajarê Mezin a Amedê bê lidarxistin. (10.00-18.00)
* Di pêşengtiya MEBYA-DERa Amedê de Hêlîn Çelîk (Zîlan Kurdistan) a ku di 9ê Îlona 2026an de di encama qezayekê de li Qendîlê jiyana xwe ji dest da dê li Taxa Seyrantepe ya navçeya Bajarê Nû ya Amedê bê bibîranîn. (11.00)
* Platforma Tenduristiyê ya Amedê dê bi dirûşma “Bila keyfxweşiya me zirarê nede jiyanê” li avahiya Odeya Bijîjkan a Amedê civîna çapemeniyê li dar bixe. (12.30)
