* Edîtora Morî Produksiyonê Rojîn Polat têkildarî armancgirtin û qetilkirina rojnamegerên Çapemeniya Azad Gulistan Tara û Hêro Bahadîn axivî. Rojîn Polatê destnîşan kir ku pênûs, mîkrofon û kameraya her du rojnamegeran îro di destê rojnamegerên jin û ciwan de ye û da zanîn ku Çapemeniya Azad li hemberî hemû polîtîkayên zext û qirkirinê mîrateya wan e.
* Li ser şehadeta stranbêj û têkoşera Kurd Delîla (Şenay Gûçer) re 19 sal derbas bûn. Mamosteyên MA Musicê Evîndar Dulek û Evîn Tîryakî, bi boneya salvegera şehadeta Delîlayê axivîn û diyar kirin ku Delîla bi deng, def û sekna xwe ve bûye remza jinên Kurd û anîn ziman ku Delîlayê mîrateyeke mezin a têkoşîn û hunerê li pey xwe hiştiye.
* Endamê Platforma Têkoşîna Li Dijî Hişbirê yê Îzmîrê Erhan Morkoç diyar kir ku di serdema Aştî û Civaka Demokratîk de polîtîkayên şerê taybet bi rêya hişbirê li ser civakê tên meşandin û da zanîn ku ji bo parastina ciwanan û têkoşîna li dijî vê sîstemê, divê gel li her qadê komînên xwe ava bike.
* Aktivîsta TJAyê Leyla Eser diyar kir ku divê jin bi pozîsyonek wekhev û bandor tev li pêvajoyê bibin û got: “Ji bo ku aşti di nava civakê de were qebûlkirin û aştiyeke mayînde çêbibe, divê pirsgirêkên taybet ên ku jin dijîn bên naskirin. Em jin ne temaşevanên aştiyê ne; em avakarên aştiyê ne.”
* Li gund û navçeyên Wanê bi hatina meha Tebaxê re qeysî û sêv gihiştin. Jinên ku bi kedeke mezin berhemên darên fêkiyan kom dikin, beşekê ji berheman dikin rêçal, bastîq û xweşava zivistanê û beşekê jî belavî xizm, cîran û dostên xwe dikin.
* Bîranîna Cangoriyên Tevgera Azadiyê ya Kurd ên di dîrokên cuda de jiyana xwe ji dest dane dê roja duyemîn de li Parka Koşuyolu ya Amedê û navçeyên wê bên bibîranîn. (08:00-18:00)
* Çalakiya Dayikên Şemiyê dê di hefteya 1117emîn de li Qada Galatasarayê bidome. (12:00)
* Xizmên Windayan û şaxên ÎHDê yên Amed, Êlih, Colemêrg û Îzmîrê, ji bo balê bikişînin ser rewşa windakiriyan dê çalakî û daxuyaniyan li dar bixin. (13:00-14:00)
* Însîyatîfa ji Girtiyên Nexweş re Azadî, dê di çalakiya xwe ya hefteya 624êmîn de li kolana Sakaryayê daxuyanî bide. (13:30)
* Komîsyona Girtîgehan a ÎHDa Stenbol bi armanca balê bikşîne li ser rewşa girtiyên nexweş dê di çarçoveveya 752yemîn “Rûniştina Fyê” li ber avahiya komeleyê daxuyanî bide. (13:30)
*İnsîyatîfa Jinan a Pêdiviya Min bi Aştiyê Heye, dê têkildarî Pêvajoya Aştî û Civaka Demokratîk li avahiya Yekîtîya Mulkiyeyiyan civîna çapemeniyê li darbixe. (14:00)
Kirmanckî
* Dursun Ulucan, weşîya xo Fransa de rameno, dewlete ke 1994 de dewa înan kerda tal zê 10 serrî nêeşkîyo şoro dewa xo. Des serrî ra tepîya şono dewa xo keno şen û wina vano: “Mayê ma Pîyê ma Kalikê ma nê welatî de weşîya xo ramita, ma çûtûr dewa xo de dûr vînderîme.”
