* Hevserokê Kongreya Gel Remzî Kartal derbarê yekîtiya neteweyî de diyar kir ku gelê Kurd helwesta yekîtiyê nîşan daye û got: “Pêwîste hemû partiyên siyasî, rewşenbîr, akademîsyen ji bo yekîtiya neteweyî bi rola xwe rabin, dengê xwe bilind bikin û helwesta xwe diyar bikin. Di vê çarçoveyê de divê ev sal bibe sala sala yekîtiya neteweyî, çareserî û azadiya gelê Kurd.”
* Hevseroka Komeleye Rojnamegerên Dîcle Firatê Kesîre Onel bi boneya salvegera derketina rojnameya yekemîn a Kurdî bal kişand ser dîroka rojnamegeriya Kurdî û diyar kir ku mîrasa Miqdat Mîthad Bedirxan hiştiye îro bi navê Çapemeniya Azad bi berxwedaneke mezin berdewam dike. Kesîre Onel destnîşan kir ku tevî her cure astengî û polîtîkayên qirkirinê, heqîqet nayê veşartin.
* Serokê Egîtîm Sena Sêrtê Selahaddîn Talû derbarê helwesta dewleta ya li dijî zimanê Kurdî de destnîşan kir ku tevî bi milyonan Kurd di nav vê dewletê de dijîn hê jî zimanê Kurdî qedexe ye û got: “Em dixwazin zimanê Kurdî ne bi bijarte be, divê ew qedexeya li ser Kurdî bê rakirin. Û divê di beşa Kurdî de mamoste bêhtir bên tayînkirin.”
* Welatiyên Kurd ku ji bajarên Qers, Wan, Agirî û Bedlîsê ji bo debara xwe bikin koçberî Enqereyê bûne daxwaza xwe ya ji bo vegera welat anîn ziman û gotin ku heke ew bikaribin li welat debara xwe bikin dê vegerin ser av û axa xwe.
* Jina ciwan Agathe Laurent ketiye du şopa malbata xwe û berê xwe daye Wanê. Malbata wê di jenosîdê de berê xwe daye Fransayê û careke din venegeriya ye. Ew jî dixwaze serpêhatiya malbata xwe hîn bibe û vegere koka xwe.
* Li Taxa Akkopruyê ya navçeya Rêya Armûşê ya Wanê, li ser talîmata qeyim, sînorên Parka Koşûyolûyê hat tengkirin. Her çend dar nehatibin rakirin û makîneyên kar niha ji qadê vekişiyabin jî, kêmkirina qada keskayî ya ji bo firehkirina rê dibe sedema nerazîbûnan.
* Rêxistina DEM Partiyê ya Stenbolê derbarê xebatên 1ê Gulanê de dê li avahiya xwe ya Beyogluyê daxuyanî bide. (11:00)
* Komîsyona Girtîgehan ya Şaxa OHDa Stenbolê ji bo girtiyên bi navê Gurkan Turkoglu, Tahsîn Sagaltici û Huseyîn Ozen ên ku li dijî pêkanînên girtîgehê di greva birçîbûnê de ne dê li avahiya xwe ya Beyogluyê daxuyanî bide. (12:30)
* Hevserokê Giştî yê DEM Partiyê Tuncer Bakirhan dê di komcivîna partiya xwe de li meclise biaxive. (12:45)
* Komîsyona Girtîgehan a ÎHDa Stenbolê rapora xwe ya 3 mehan a derbarê “Binpêkirina Mafan ên li Girtîgehên Herêma Marmarayê” dê li avahiya xwe ya Beyogluyê daxuyanî bide. (13:30)
* Platforma Ekolojiyê ya Gimgimê û Platforma Parastina Geliyê Periyê bi şîara “Em xwezaya xwe û qadên xwe yên jiyanê diparêzin” dê li Meydana Qesaban a Çîgliyê daxuyanî bidin. (19:00)
Kirmanckî
* Cemal Sarîyo ke weşîya xo dewa Kulîlîka de ramneno, dewa xo ra bar kerdo şîyo Bursa. Xeylê serrî Bursa de mendo, tepa ameyo dewa xo. Xerîbîye de welatê xo ûnîtene ser o wina vano: “Ma welatê xo ser o zaf şuwareyî vatêne.”
