* Cîgirê Hevserokên Giştî yên DEM Partiyê Mehmet Ruştu Tiryakî derbarê cezakirina Hevşaredarê Colemêrgê Mehmet Siddik Akiş de destnîşan kir ku ji bo ku meseleya Kurdan bê çareserkirin û pergala qeyim bi dawî bibe, divê ev ceza bê betalkirin û got: “Divê Hevşaredarê me yê Colemêrgê bê berdan û dawî li qeyiman bê anîn”
* Li Amedê di 29 û 30 Nîsanê de Konferansa Rêveberiyên Xwecihî yên Demokratîk a Amedê, hate lidarxistin. Jinên ku beşdarî konferansê bûn anîn ziman ku xebatên xwe li ser felsefeya civaka demokratîk, ekolojîk û azadîxwaziya jinan bi rê ve dibin.
* Nivîskar Muhammed Înal ê ku ev 27 salan in girtî ye derbarê Yekîtiya Neteweyî ya Kurd de diyar kir ku sedema herî mezin a bindestiya sedsalan, nebûna yekîtiya neteweyî ye û wiha got: “Piştî berxedaneke bi rûmet, gelê me hovîtiya înkar û tunekirinê şikand. Niha dema avabûnek nû ye. Di vê serdema nû de em bi hişmendiyeke civaknasî û çanda xwe ya qedîm tevbigerin.”
* Hevserokê Rêxistina DEM Partiyê ya Colemêrgê Behçet Kanat derbarê hezaza li ser rêya Colemêrg-Wanê pêk hat de destnîşan kir ku girtina rê encama polîtîkayên cihêkariyê ya li ser Colemêrgê ye.
* Bi boneya 1ê Gulanê Roja Karker û Kedkaran a Cîhanê dê li Amed, Êlih û Sêrtê meş û mitîng bên lidarxistin. (12:00)
* Bi pêşengiya KESK, DÎSK, TMMOB û TTBê dê li Stenbol, Îzmîr û Enqereyê mitîngên 1ê Gulanê bên lidarxistin. (12:00)
* Sendîkayên li Wanê dê bi boneya 1ê Gulanê Cejna Karkeran li Qada Bajêr a li navçeya Rêya Armûşê mitînga 1ê Gulanê li dar bixe. (12:30)
* 11emîn Mihrîcana Şanoyê ya Navneteweyî ya Amedê, ya Şaredariya Bajarê Mezin a Amedê ve bi dirûşma “Diyalog Ji bo Aştiyê” tê lidarxistin, dê di roja 10emîn de berdewam bike. (15:30-20:30)
Kirmanckî
* Hemşaredarê Şaredarîya Pîlemûrîye Muslum Tosunî wayîrvejîyayîşê welatî û talankerdena xoza ser o qisey kerd û vat: “Mordem ke heşarê rindekîya welatê xo bî ey rê wayîr kî vejîno. Ma welatê xo de maden nêwazenîme.”
