* Mirina bi guman a peywirdarê berê yê MÎTê Kaşîf Kazînoglu di rêzafîlma Kurtlar Vadîsî Pusu de bû mijara nîqaşê. Ew rêzefîlm di bin bandora hêzên derveyî norm dewletê de weke JÎTEM, cemaet û mafyayê de maye. Pevçûna di navbera van hêzan de xwe dispêre rêzefîlmên bi vî rengî û naveroka wan. Afirandina hişmendiya civakê jî li ser van rêzefîlman tê teşekirin.
* Li Nexweşxaneya Dewletê ya Geverê kêmasiya bijîşk û personelan gelek in û gelek beşên girîng yên wekî Gastroenterolojî, Endoskopî û Kolonoskopî, Uniteya Anjiyoyê nîn in. Welatiyan bertek nîşanî vê rewşê dan û gotin: “Nexweşxane bûye navenda sewqkirinê.”
* Ridvan Karakoç di sala 1995an de hatibû binçavkirin û kuştin. Hasan Karakoç derbarê windakirina birayê xwe de diyar kir ku ev 31 sal in ew ji bo kiryar werin dîtin têdikoşin û wiha got: “Niha Atîlla Ugur di binçavan de ye. Ew jî kujerê windayan e. Gelo wê jê bipirsin ka çi aniye serê windayan. Em dixwazin ku ceza li Atîlla Ugur were birîn û sûcên wî derxin holê.”
* Gundê Şûşanisê yê bi ser navçeya Rêya Armûşê ya Wanê ve ev nêzî 30 sal in ji hemû xizmetan bêpar hatiye hiştin. Welatiyan gazinên xwe anîn ziman û dan zanîn ku daxwazên wan ên herî girîng gaza xwezayî, av, ceyran, rê û serwîsa zarokan e.
* Dayikên Şemiyê ji bo li aqûbeta windayan bipirsin û faîl bên darizandin dê di heftaya 1121emîn de çalakiya xwe berdewam bike. (12:00)
* Xizmên Windayan û rêveberên şaxên ÎHDê yên Amed, Êlih, Colemêrgê çalakiya xwe ya “Bila winda bên dîtin û faîl bên darizandin” ku her hefte li dar dixe, pêk bînin. (12:00)
* Rêxistina Partiya Herêmên Demokratîk (DBP) a Êlihê bi diruşmeya “Bi civaka rêxistinbûyî ber bi jiyana azad ve” dê 2yemîn Kongreya xwe ya Asayî li Eywana Dawetê ya Roza li dar bixe. (13:00)
* ÎHDa Îzmîrê bi boneya ku balê bikişîne ser rewşa girtiyê nexweş Mehmet Elçe dê li ber Sumerbanka Kevn a Konakê daxuyanî bide. (13:30)
* Odeya Bijîjkan a Amedê dê li Çand Amedê pirtûka bi navê “Anamneza Kurdî” bide nasîn. (14:00)
* Tevgera Jinên Azad (TJA) bi boneye 4emîn salvegera kuştina Jîna Emînî dê li Qada Şîşhaneyê ya Stenbolê daxuyanî bide. (14:30)
