* Hiqûqnasên Kurd, ji bo ku lîteratûra hiqûqê ya Kurdî pêşbixin dest bi xebatan kirin û Komeleya Vekolîn û Perwerdeya Hiqûqê (DADSAZ) li Wanê damezrandin. DADSAZ, dê ji bo pêşxistin û xurtkirina lîteratura hiqûqê ya zimanê Kurdî xebatan bimeşîne.
* Hevserokê MEBYA-DERê Mehmet Emîn Kiliç ku biryara kongreya PKKê nirxand got: “Tevgera Azadiyê bi vê biryarê li Rojhilata Navîn rûpeleke nû vekir. Divê dewlet jî destûra bingehîn li gorî aştiyeke mayînde biguherîne.”
* Birayê yek ji berxwedêrên zindana Amedê Alî Temel Weysî Temel ku bi damezrîner û pêşengê PKKê Riza Altûn re di girtîgehê de mabû, anî ziman ku Riza Altun di girtîgehê de jî girtî bi rêxistin kirin û got: “Dema min şehadeta Alî Haydar Kaytan û Riza Altûn bihîst pir xemgîn bûm. Wan ji bo gelê Kurd li berxwe dan.”
* Şêniyên Gundê Fîsê ku PKKê kongreya xwe ya ewil li wir li dar xistibû, anîn ziman ku li pişt biryara PKKê ya çek berdanê ne û xwestin ku mala PKKê kongreya xwe lê lidarxistibû bibe muze.
* Hevserokê DBPê Giyadîn a Agiriyê Nezîr Budak ji ber axaftina wî ya di Newroza Giyadinê de li ser googlê şaş hatibû wergerkirin, hatibû binçavkirin. Nezîr Budak anî ziman ku ev bûyer êrişeke li ser zimanê Kurdî ye.
* Pêşengên PKKê Alî Haydar Kaydan û Riza Altun dê li Antalya, Mûgla, Bodrum, Dîlok, Semsûr, Meletî, Mêrdîn, Şirnex, Êlih, Sêrt, Çewlik, Xarpêt, Îdir û Mûşê bi bernameyên girseyî bên bibîranîn. (10.00-17.00)
Rojeva Kirmanckî
* Hunermend Dogan Çelîk o ke cuya xo Dêrsim de rameno, seba halê kirmanckîye dejê zerrîya xo nîşan dano û vano: “Zerê însanî dejeno. Ma kamcî dejî rê biberbîme, kamcî dejî rê kilaman virazîme?”
