* Komploya navneteweyî ya ku li dijî Rêberê Gelê Kurd Abdullah Ocalan pêk hat, di sala xwe ya 27emîn de ye. Komplo, birêvebirin û bi encamên ku derxistin holê hîna jî di rojeva Kurdan de ye. Di eslê xwe de bi vê komployê xwestin ku Abdullah Ocalan bê bandor bikin lê ew bi çûna Ewropayê re meseleya Kurd xiste rojeva tevahiya cîhanê. Ji Romayê heta Kenyayê rojên ji agir bûn û geşedanên ku mirov bê nefes dihişt qewimîn. Her çiqas anîna wî ya Tirkiyê wek dawîkirinek dihat dîtin jî Kurdan bi yek dengî bang dikir û digot: “Hûn nikarin roja me tarî bikin!”
* Ridvan Yûsûfoglû ê 32 salan di zindanê de li ber xwe da û li girtîgehê bû şahidê komploya navdewletî û berxwedana li dijî komployê. Yûsûfoglû derbarê komployê de axivî û got: “Em bawer dikin ku gelê Kurd û bi taybetî ciwan, dê vê piştgiriya xwe heta dawiyê bidomînin û ev tekoşîn dê bibe sedema serketineke mezin.”
* Rojnameger Mûtlû Civîroglû derbarê rûniştina, “Siberoja Sûriyeyê û Siyaseta Amerîkayê ya Piştî Pêvajoya Beşar Esed” a ku ji hêla Komîteya Têkiliyên Derve ya Kongreya Amerîkayê ve hate lidarxistin bal kişand ser mijarên di civînê de hatine axaftin û got: “Kongreya Amerîkayê Kurdan û mafên wan ji bîr nake, lê divê Kurd jî hebûna xwe li Washîngtonê xurt bikin û bi zimanekî xurt çîroka xwe bibêjin.” Çîvîroglu anî ziman ku di rûniştina kongreyê de rexneyên tund li dijî Şara û Tirkiyeyê hebûn.
* Hiqûqzanên endamên TOHAVê diyar kirin ku mafê hêviyê ne tenê ji bo Rêberê Gelê Kurd Abdullah Ocalan e, ji bo civakê ye jî û gotin: “Birêz Abdullah Ocalan qedera xwe girêdaye gelê xwe û dibêje ‘gel çiqas azad bibe ez ê jî ewqas azad bim’. Jixwe bicihanîna mafê hêviyê dê bandorê li pêvajoyê jî bike.”
* Danişîna doza Mûsa Orhan ê ku tecawizî Îpek Er kiribû û bûbû sedemê mirina wê dê li Dadgeha Cezayê Asliyeyê ya 1emîn a Êlihê bê lidarxistin (11:00)
* Berdevka DEM Partiyê Ayşegul Dogan dê tekildarî geşedanên di rojevê de li navenda giştî ya partiya xwe daxuyanî bide. (13:00)
* Hevseroka DEM Partiyê Tulay Hatîmogullari, Hevserokên Giştî yên DBPê Keskîn Bayindir û Çîgdem Kiliçgun Uçar dê serdana ESPê ku gelek rêveberên wê hatibûn girtin, bikin. (13:00)
* Platforma Saziyên Demokratîk dê li eywanek dawetê ya li navçeya Sûrê ya Amedê civîna gel li dar bixe. (13.00)
* Komîsyona Girtîgehan a Şaxa Komeleya Hiqûqnasên Ji Bo Azadiyê (OHD) ya Îzmîrê dê rapora binpêkirinên li girtîgehan ku di nava salekê de pêk hatiye bi civînek çapameniyê parve bike. (13:00)
* Komîsyona Zimanê Kurdî ya Baroya Wanê dê bi mijara “Sînemaya Kurdî” gotûbêjekê li dar bixe. (18:00)
