* Bi ser şehadeta hunermenda deng zîz Hozan Mizgînê re 34 sal derbas bûn. Tevî ku salên dirêj ji ser re derbas bûn jî hunera Hozan Mizgînê ya bi têkoşîna azadiyê hatiye honandin di nava civakê de her diçe belavtir dibe.
* Sînemager û yek ji avakera Sînejînê Dîrok Artos li ser girîngiya xebatên Sînejînê û sînemaya Kurdî bi taybetî li Rojava, diyar kir ku wan hewl daye bi Sînejinê re bikaribin pirsgirêkên heyî, dîroka heyî û xeyalên siberojê bi rêya sînemayê derxin holê û bi taybetî xeyalên jinan derxin pêş û got: “Me got sînemaya Kurd hê zarok e. Em bikin ku vê zarokê mezin bikin weke sînemaya jinê jî pêş bixin û weke huner bikin pêşenga şoreşê.”
* Navenda Çand, Huner û Wêjeyê ya Anatoliyayê ku li Enqereyê xebatên çand û hunera Kurdî dike, ji aliyê gel vê rastî alaqayeke mezin tê. Rêveberê Navenda Çanda Anataliyayê Abbas Kiliçoglu bi lêv kir ku di 15ê Gulanê de jî ew dê bi bernameyên cur bi cur li qadan bin û bang li gel kir ku tevlî bernameyan bibin.
* 15ê Gulanê di sala 2006an de wekî “Roja Cejna Zimanê Kurdî” hat ragihandin. Îro li Tirkiyeyê rewşa zimanê Kurdî her ku diçe ber bi xirabûnê ve diçe. Kovar, rojname gelek kêm tên çapkirin, tenê 2 qanal weşanê bi zimanê Kurdî dikin.
* Endama Sekreteriya Yekîtiya Demokratîk Songul Korkmaz û kurê Mûstafa Mesût Tekîk, Çekdar Mesût Tekîk anîn ziman ku heta ji destê wan bê ew ê li ser rêya Mûstafa Mesût Tekîk û rêhevalên wî yên ku di têkoşîna azadiyê de jiyana xwe ji dest dane bimeşin.
* Li Cizîrê dê aliyê saziyên zimanê Kurdî û Platforma Saziyên Demokratîk ve komxebata ziman were lidarxistin. (09:00-17:30)
* Şaredariya Bajarê Mezin a Amedê di çarçoveya pîrozbahiyên 15ê Gulanê Cejna Zimanê Kurdî de dê bi dirûşma “Em ji bo zimanê xwe dibezin” ji Parka Sumerê heta Qada Şêx Seîd pêşbirka bezê li dar bixe. (11:00)
* 2yemîn Rojên Pirtûkan a Erxeniyê ku bi hevkariya Şaredariya Erxeniyê, Egîtîm Sen, YEWKURD (Yekitiya Weşangerên Kurd), DTSO, GABB, Şaredariya Bajarê Mezin ya Amedê û şaredariyên navçeyan tê lidarxistin dê îro bi dawî bibe. (10:00 -18.00)
* Dayikên Aştiyê yên Wanê, dê bi şîara “Ji bo dayikan diyariya herî mezin aştî ye” li ber Kampusa Girtîgeha Wanê daxuyaniyê bidin. (13:00)
* Meclîsên Dayîkên Aştiyê yên Şirnex û Mêrdînê dê li ber deriyê Giryîgeha Şirnexê bi dirûşma “Dayîk aştî, edalet û azadiyê dixwazin” daxuyanî bidin. (13:00)
* Înîsiyatîfa Dayikên Aştiyê, ji bo azadiya Rêberê Gelê Kurd Abdullah Ocalan dê li pêşiya Girtîgeha Jinan a Bakirkoyê daxuyanî bide. (13:00)
* Meclisa Dayîkên Aştiyê ya Amedê û Êlihê dê têkildarî “Mafê Hêviyê” li ber deriyê Girtîhega Amed û Qubînê ya Êlihê daxuyanî bidin. (13:00)
* Derhênerê Şanoyê û Perwerdekarê Hunerê Ghodbedîn Sadeghî, dê li eywana ŞanoWanê ya li navçeya Rêya Armûşê ya Wanê bi sernavê “Têkiliya Çanda Kurdan û Şanoyê” gotûbêjekê li dar bixe. (14:00)
* ANKA-DER dê di çerçoveya bernameyên 15ê Gulanê Cejna Zimanê Kurdî de li avahiyê xwe yê li navçeya Çankayayê bernameya şanoya zarokan li dar bixe. (15:00)
* Hevserokê DEM Partiyê yê Êlihê Mûstafa Mesût Tekîkê ê di 10ê Gulana 2025an de ji ber krîza dil jiyana xwe ji dest dabû dê di pêşengiya DEM Partiyê de li ser gora xwe bê bibîranîn. (15:30)
* Amedspor dê li Qada Newrozê ya navçeya Rezanê ya Amedê bi tevlibûna gelek hunermendan, bi bernameyekê şampiyontiya xwe pîroz bike. (16:00-23:00)
