* Îro, kadraja Nazim Daştan wekî mîrateyekî dimîne. Çarçoveyeke ku rastî û ruhê azadiyê tê de zindî ye. Nazim Daştan ne tenê wêne kişand, lê belê bi makînaya xwe dîrok nivîsand û berxwedana gelê Kurd ji nifşên nû re hişt.
* Hevdîtinên avakirna Hikûmeta Herêma Kurdistanê ligel ku salek di ser hilbijartinan re derbasbûye jî hêj pêk nehat. Li aliyekê bazariya PDK û YNKê ya li ser postan kûr dibe û li aliyê din bi boneya hikûmeta nayê avakirin rexneyên gel, civaka sivîl û derveyî zêde dibin. Analîstên siyasî jî diyar dikin ku avanebûna hikûmetê hilbijartinên Herêma Kurdistanê vala derdixin û ev yek bandorek neyînî li ser gelê Kurd, meşrûiyet û îtibara hilbijartinan dike.
* Serokê Baroya Amedê Abdulkadîr Guleç diyar kir ku ev pêvajo bi daxuyaniyên AKPê nikare were xerakirin û pêvajo bi vîneke mezin hatiye avakirin û got: “Kesên ku berjewendiyên wan ji holê têne rakirin ew naxwazin ev pêvajoyê bi selametî bi dawî bibe.”
* Cîgîrê Serokê Giştî yê Partiya Gelecekê Alaattîn Firat anî ziman ku partiya wan dixwaze mafê perwerdehiya fermî ya zimanê Kurdî bê nasîn û ji bo mafê heviyê yê Abdullah Ocalan jî got: “Ev mafekî mirovan e. Heke pêvajo pêşvê biçe pêkane ku Abdullah Ocalan tev li siyasetê jî bibe.”
* Dê di çarçoveya Hefteya Mafên Mirovan de li Eywana Tahîr Elçî ya Baroya Wanê panela “Mafê mirovan û perwerdehiya bi zimanê zikmakî, nasname, wekhevî û dadmendî” bê lidarxistin. (14.00-16.00)
* Platforma Saziyên Demokratîk dê di 4ê Çileya 2026an de li Amedê mitînga “Hêvî û azadiyê” li dar bixe. Platform dê bi tevlibûna Hevserokê DEM Partiyê yê Giştî Tûncer Bakirhan deklarasyona mitîngê li Qonaxa Cemîl Paşayê ya li navçeya Sûrê bi raya giştî re parve bike. (12.00)
* Serokwekîla Koma DEM Partiyê Gulistan Kiliç Koçyîgît û jinên parlamenter ên DEM Partiyê dê li Meclisê têkildarî bûyera îstîsmarê ya li Meclîsê civîna çapemeniyê li dar bixe. (13.30)
* Şaredariya Bajarê Mezin a Amed dê hunermenda Kurd Ayşe Şanê, di 29emîn salvegera mirina wê de bi bernameyeke ku du rojan bidome ya ku ji şano, panel û konserekê pêk tê, li avahiya Şaredariyê bi bîr bîne. (18:00)
