Li Rojava gel û hêzên berxwedanê li aliyekê şer û li aliyê din jiyanê bi awayek komînal dihûne. Li çar aliyên Kurdistan û cîhanê gelê Kurd û dostên wan jî di nav berxwedanek kolektîf de ne.
Berxwedana Rojavayê Kurdistanê li hundir û derve deng vedide. Gelê Rojave li aliyekê bi hêzên xwe yên leşkerî re parastinê dike û li aliyê din pêwistiyên jiyanî bi awayek komînal dabîn dike. Ji bo pêwistiyên gel û deh hezaran koçberên ji derve hatin li deverên cuda yên Kantona Cizîrê firinên nû hatin vekirin.
Rêveberiya Xweser tora firinan berfireh dike
Ji bo pêwistiyên hêzên leşkerî, gel û koçberan bê temînkirin Rêveberiya Xweser a Kantona Cizîrê nanpêjxaneyên nû li hemû bajar û bajarokên kantonê vekirin. Ji bo vekirina firinên nû û bi awayek çalak xebitîna wan karmendên Rêveberiya Xweser û welatî bi awayek dildarî dixebitin. Di çarçoveya hewldanên ji bo peydakirina pêdiviyên bingehîn ên şêniyan de, saziyên xizmetguzariyê yên Kantona Cizîrê 8 nanpêjxaneyên nû vekirin. Armanca vê yekê ew e ku pêdiviyên jiyana şêniyan zêde bike, bi taybet ji ber şert û mercên awarte û rewşa seferberiya giştî.
Bi vekirina van nanpêjxaneyan re hejmara firinan li kantonê dixebitin gihaştiye nêzîkî 160 hebî.
Li cîhanê hevgirtinek kolektîf
Ligel berxwedana li Rojava hevgirî û serhildanek kolektîf li tevahiya cîhanê mezin dibe. Gelê Kurd û dostên wan, şoreşger û demokratên cîhanê li derdora Rojava dibin xelekek berxwedanê. Ligel desptêkirina êrişan, li çar perçeyên Kurdistanê, li tevahiya welatên Ewropayê heta Amerîka, Kanada, Avustûralyayê çalakî, meş û mitîngên bênavber tên lidarxistin. Ligel ciwanên Bakur û Başûrê Kurdistanê ji Ewropayê jî ciwan berê xwe didin Rojava.
