Li Wanê Mihrîcana Keda Jinê ya Hilberî”ku ji aliyê Şaredariya Rêya Armûşê ve tê organîzekirin, di roja xwe ya duyemîn de bi coşeke mezin berdewam kir.
Mihrîcana Keda Jinê Ya Hilberî ku bi pêşengiya Şaredariya Rêya Armûşê û bi hevkariya şaredariyên DEM Partiyê yên navçeyên Wanê tê organîzekirin, berdewam dike. Di roja duyemîn de, li Qada Bajar de bernameya taybet a dengbêjiyê dest pê kir. Di bernameyê de jinên dengbêj ên navdar Sîsê, Mukaddes û Meryem derketin ser dikê. Jinên dengbêj bi klamên xwe yên kûr, çand û dîroka jinê ya bi sedsalan anîn ziman. Jinên ku qada mihrîcanê tije kiribûn, guhdariyeke bêhempa man. Beşdaran bi çepik û tîlîliyên xwe piştgiriya her sê hunermendan kirin.
