Qeyimê Xelfetiyê yê berê Şeref Albayrak jî di nav de 29 kes ji ber sûcên “avakirina rêxistina sûc” û “di dayîna deyn de hîle kirine” hatin girtin.
Qeymeqamê Navçeya Xelfetiyê ya Rihayê Şeref Albayrak ku weke qeyim li Şaredariya Xelfetiyê hatibû tayînkirin û piştre li navçeyê serokşaredariya AKPê kiribû û 45 kesên din, di 24ê Nîsanê di çarçoveya lêpirsîna Serdozgeriya Komarê ya Bêrecûkê de bi sûcê “Ji bo kirina sûc rêxistin ava kirine” û “hîleya di dema dayîna deyn de” hatibûn binçavkirin. Îfadeyên binçavkiriyan ên li edliyeyê temam bûn. Albayrak jî di nav de 29 gumanbar hatin girtin, ji 17 gumanbaran 3 jê hatin berdan û 14 jî bi şertê kontrola edlî hatin berdan. 4 kesên di çarçoveya lêpirsînê de hatibûn binçavkirin jî piştî îfadeya li emniyetê hatibûn berdan.
Lêgerîna kesekî di çarçoveya lêpirsînê de biryara binçavkirinê jê re hatiye dayîn jî didome.
