Komeleya Çand û Ziman Avesta ya ku di sala 2018an de li Îzmîrê hat avakirin û xebatên zimanê Kurdî dike, di serdema ku pêvajoya diyalogê hatiye destpêkirin de rastî gefên polîsan ên mohrkirin û girtinê tê.
Rêveberên Komeleya Çand û Ziman ya Avestayê diyar kirin ku du roj beriya niha polîsên bi ser komeleyê de girtin bi hinceta ku rûxsata komeleyê tuneye gefên girtin û mohrkirinê xwarin.
Rêveberên Komeleya Avestayê balkişandin ser pêvajoya diyalogê û anîn ziman ku ligel ku rûxsata Komeleya wan heye jî polîs li hincetan digerin û gefên mohrkirinê li wan dixwin.Her wiha rêveberên Komeleyê danzanîn ku polîsan gefa ku ewê sibê ango 1ê tebaxê bên komeleyê mohr bikin li wan xwarin e.
Hêjayî gotinê ye ku Komeleya Çand û Ziman Avesta ku di sala 2018an de hatiye avakirin û heta niha bi hezaran xwendekaran fêrî zimanê Kurdî kiriye. Her wiha bi awayekî online jî dersên kurdî tên dayîn.
