Platforma Saziyên Demokratîk li navçeya Bûcayê ya Îzmîrê êrîşên li ser Rojava û Sûriyeyê şermezar kirin û diyar kir ku modeliaRojava nîşan dide ku li Sûriyeyê pêkvejiyan pêkan e.
Platforma Saziyên Demokratîk, li navçeya Bûca ya Îzmîrê li hemberî Barûya Saetê ya Gedîzê derbarê êrîşên li ser Rojava û Sûriyeyê daxuyaniyek da. Di daxuyaniyê de dovîzên wek “Em piştgirê rojava ne” û “Rojava, Rojhilat Kurdistan yek welat e” hate vekirin. Di daxuyaniyê de pankarta “Em li hemberî êrîşên li ser Rojava bêdeng namînin. Çareserî di manîfestoya civaka demokratîk de ye” hate vekirin û dirûşmeyên “Bijî berxwedana Rojava” û “Bijî Serok Apo” hatin berzkirin. Piştî daxuyaniyê çalakiya rûniştinê hate kirin. Daxuyanî li ser navê platformê ji aliyê endamê rêvibiriya DEM Partiyê ya Bûcayê Berfîn Yildirim ve hate xwendin.
Daxuyaniyê de Berfin Yildirim diyar kir ku modela civaka demokratîk ya ku li Rojava li dar e, temsiliyeta pêkvejiyana gel, bawerî û çandê dike û got: “Ev model, bi me dide nîşan ku pêkvejiyan pêkan e û rasterast li holê ye ku Rojhilata Navîn a ku bi sedan sala ye şer, înkar û bi yekperestiyê tê bi rêvebirin, pêşerojeke demokratîk pêk tê. Rojava modeleke demborî nîne, li hemberî kêşê û şerên cîhanî rêya aşitiyê li ber me vedike. Lewma jî Rojava bûye hedefê desthilatdariyan.”
Berfîn Yildirim di dawiya daxuyaniyê de wiha bang li raya giştî kir: “Em hemû rêxistinên girse, ked û pîşeyan vedixwînin parastin û piştevaniya gelên Rojava. Bêdengiya li hemberî sûcên mirovî, şirîkatiya vî sûcî bi xwe ye.”
Daxuyanî bi çalakiya rûniştinê û berzkirina dirûşmeyan bi dawî bû.
