Platforma Şaxên KESKê ya Şirnexê li Qada Komarê daxuyanî da û got: “Me aştî xwest, em hatin Îxrackirin.”
Platforma Şaxên KESKê ya Şirnexê li Qada Komarê ya Şirnexê bi boneya salvegera KHKyên di 29ê cotmeha 2016an hatine îlankirin û deh hezaran kes pê re hatine îxrackirin daxuyanî da. Li gel nûnerên Şaxên KESKê, rêveberên partiyên siyasî yên navend û navçeyên Şirnexê û nûnerên komeleyên sivîl ên civakî, çandî, ekolojîst û kesen îxrackirî tev li daxuyaniyê bûn. Di daxuyaniyê de pankarta “Dê KHK biçin, em ê bimînin” hate vekirin. Daxuyaniyê mamosteyê îxrackirî Hecî Demîr xwend.
‘Xwestin me muhtacî qalikê daran bikin’
Hecî Demîr diyar kir ku desthilat xwest bi KHKyan kesên îxrackirî muxtacî xwarina kalikên daran bikin û wiha got: “Bi 36 KHKyan 10 hezaran kes ji kar derxistin, saziyên ziman û çandê tasfiye kirin. Li dijî van polîtîkayan heya têkoşîna me ya ked, aştî û demokrasiyê encam dibe em ê têbikoşin.”
‘Dest ji siyasîkirina darazê berdin’
Hacî Demîr bang desthilatê kir ku bi polîtîkayên hevgirtî re tevbigere û wiha got: “Hemû hevalên me yên îxrackirî vegerînin ser karên wan. Dest ji siyasîkirina darazê berdin. Bila 51 parlamenterên di komîsyona meclisê de cih digirin ji bo KHKî vegerin ser karên xwe qanûnan amade bikin û pêşkeşî meclisê bikin. Me li dijî polîtîkayên şer aştî xest. Em hatin îxrackirin.”
Daxuyanî bi berzkirina dirûşmên “Dê KHK biçin em ê bimînin” û “Îxrackiriyên KHKî rûmeta me ne” bi dawî bû.
