PJAKê ji bo piştgiriya Rojavayê Kurdistanê bang li raya giştî ya gelê Kurd û cîhanê kir û xwest her kes xwedî li statuya Rojava derkeve.
Partiya Jiyana Azad ya Kurdistanê (PJAK) bi daxuyaniyek nivîskî ji bo êrişên tunekirinê yên li ser Rojava bang li raya giştî ya gelê Kurd û cîhanê kir. PJAKê got ku çeteyên HTŞê bi hevkariya Tirkiyeyê ji bo tinekirina destkeftiyên Rojava dest bi êrişên qirkirinê kirine. PJAKê eşkere kir ev êriş êrişên strarejîk in û hedefa wan tinekirina Rojava û ji holêrakirina Kurd û hemû destkeftiyên Kurdan e.
‘Dixwazin pergala Rojava têk bibin’
PJAKê da zanîn ku bi van êrişên qirkirinê tê xwestin ku Rojava hemû bê dagirtin û pergala Rojava ya xweser û demokratîk bê tunekirin. PJAK diyar kir ku ev êriş ne tenê li ser Rojava û pergala xweseriyê ye, armanca van êrişan a esasî tunekirina çar parçeyên Kurdistanê ye.
PJAK di banga xwe de eşkere kir ku hêzên li pişt van êrişan cih digirin di nava planeke hevgirtî de ne û çarçoveya vê planê ev e ku azadiya gelê Kurd ya li Rojhilata Navîn asteng bike û Kurd sedsaleke din jî mehkûmî bindestî û tunekirinê bike.
PJAK bal kişand ser çarçoveya êrişên hovane û got: “Hedefa asîmilasyona çandî, qirkirina nijadî, guhertina demografik e. Ji ber vê jî divê van planên asîmlasyon û tunekirina statuya Rojava bên têkbirin.”
Banga li raya gitşî ya cîhanê
PJAKê bi bîr xist ku Rêveberiya Xweser a Rojava banga seferberiyê kir û got: “Pêwîst e ku bersiva vê pir xurt bê dayîn ku dikarebe rê li ber êrişan bigire û planên tunekirina Kurdan pûç bike. Ev banga seferberiyê ji çar parçeyên Kurdistanê û Kurdên diaspporê re, dostên enternasyonal û hemû welatê Ewropayê re ye. Bêguma divê ev bersiv be dayîn û êriş bên pûçkirin.”
