Parêzerên Doza Tahir Elçî ji bo betalkirina biryara beraetkirina bersûcan serî li Dadgeha Îstînafê dabûn. Dadgehê îstînafê îtîraz red kir. Li ser vê yekê parêzeran serî li AYMê da.
Serokê Baroya Amedê Tahir Elçî di 28ê Mijdara sala 2015an de li ber Mînareya Çarling a li Sûra Amedê hatibû kuştin. Di doza kuştina Tahir Elçî de dadgehê di 12ê Hezîrana 2024an de biryara xwe da. 10emîn Dadgeha Cezayên Giran a Amedê ji bo polîsên bersûc Sînan Tabur, Fuat Tan û Mesût Sevgî biryara beraetê dabû. Parêzerên doza Tahir Elçî jî li dijî biryarê li Dadgeha Îstînafê îtîraz kirin. 10emîn Daîreya Cezayan a Dadgeha Edliye ya Herêmê ya Amedê îtîraza parêzeran red kir. Dadgeha Îstînafê ev îdia kir: “Di biryarê de rewşekî derhiqûqî tune ye û li gorî hiqûqê ye.”
Weqfa Tahir Elçî û parêzeran, li dijî biryara Dadgeha Îstînafê serî li Dadgeha Destûra Bingehîn (AYM) dan. Hevjîna Tahir Elçî, Turkan Elçî, Serokê Baroya Amedê Abdulkadîr Guleç, Serokê Weqfa Tahir Elçî Mahsum Bati û parêzeran piştre jî li lpêşiya AYMê daxuyanî da.
