Enqere – Ozgur Ozel ê bi biryara “Batalkirina Teqez” ji Serokiya Giştî ya CHPê hatiye girtin ragihandibû ku ew ê partiyeke nû ava bikin. 90 parlamenterên piştgiriya Ozgur Ozel dikin ji CHPê îstîfa kirin û dê tev li partiya nû bibin.
Ozgur Ozel ku bi biryara, “Batalkirina teqez” ji peywîra Serokiya Giştî ya CHPê hat dûrxistin û li şûna wî careke din Kemal Kiliçdaroglu weke Serokê Giştî yê CHPê hat peywîrdarkirin. Ozgur Ozel ku di komcivîna CHPê de li meclise axivîbû diyar kiribû ku ew ê partiyeke nû ava bikin û ji CHPê veqetin. Piştî vê biryarê hewldanên ji bo partiyeke nû berdewam kirin. Ji CHPê 90 parlamenterên piştgiriya Ozgur Ozel dikin ji CHPê îstîfa kirin û dê tevlî partiya nû bibin.
Dê serlêdana partiya nû bê kirin
Nav û logoya partiya nû ya Ozgur Ozel heta niha ji raya giştî re nehatiyê ragihandin. Lê partiya nû pêvajoya îmzayê ya Lîjneya Avakar temam kir û tê payîn ku ji bo partiya nû dê îro serlêdana Wezareta Karên Navxweyî were kirin. Ozgur Ozel bi 90 parlamenteran ve îro ji CHPê îstîfa kir û dê piştî nimêja înê li Lîjneya Avakar a partiya nû ve li hev bicive. Tê payîn ku parlamenter Gul Çîftçî û Murat Emîr ji bo partiya nû serî li Wezareta Karên Navxweyî bidin.
