Serokê Giştî yê CHPê Ozgur Ozel ku bi “Betalkirina teqez” ji peywîrê hat dûrxistin, piştî desteserkirina Navenda Giştî ya CHPê meşiya meclisê. Ozgur Ozel li ber meclisê mîtîng li dar xist û destnîşan kir ku niha şûn ve navenda wan a giştî meclis e.
Piştî biryara Dadgeha Îstînafê ya “Betalkirina teqez” li dijî kongreya CHPê, vê sibê navenda giştî ya CHPê ji aliyê polîsan ve hate dorpêçkirin. Kemal Kiliçdaroglu ku bi biryara “Betalkirina teqez” careke din ji bo Serokiya Giştî ya CHPê hat peywirdarkirin serî li walîtiya Enqereyê da ku navenda giştî ya CHPê ji rêveberiya niha were valakirin. Piştî polîsan xwest bikeve hundirê CHPê, di navbera polîs û girseyê de pêvçûn derket.
Aloziya di navbera girse û polîsan de dermek dirêk dom kir. Girseyê bi berzkirina dirûşmeyan bertek nîşanî polîsan dan. Polîsan bi gaza îsotê û TOMAyê êrişî girseyê kir. Li ser vê yekê girse rêya Eskîşehîrê ji wesayitan re girt û piştî demekê polîsan bi TOMA û gaza îsotê ketin hundirê navenda giştî ya CHPê. Piştî navenda CHPê ji aliyê polîsan vê hat desteserkirin Ozgur Ozel, parlamenterên CHPê û bi hezaran kes, ber bi meclisê ve dest bi meşe kirin.
3 caran dorpeç hilweşandin
Girse di meşê de bênavber li dijî biryarê dirûşim berzkirin. Her wiha polîsan 3 caran barikat danîn û xwestin meşê asteng bikin. Lê girse her 3 caran jî dorpeça polîsan derbas kirin û meşa xwe domandin. Her wiha Ozgur Ozel jî li dijî astengiyê hilkişiya ser TOMAyê û bertek nişan da. Piştî girsêe astengiya polîsan derbas kirin hatin ber meclisê. Girse li parqa meclisê gkom bû û li vir mîtîng li dar xist. Ozgur Ozel ku derket ser otobusê û daxuyaniyek da.
‘Baskên butlanê yên AKPê û dadgeha wan li hemberî me ne’
Ozgur Ozel bi lêv kir ku piştî ew hatin ser partiyê, CHP kirin partiya yekemîn û wiha axivî: “Niha jî ji ber ku em bûn partiya yekemîn vê zilmê li me dike. Em ê rizgariyê bi hev re bînin. Baskên butlanê yên AKPê û dadgeha wan li hemberî me ne. Heta niha min tiştek negot. Lê êdî bes e. Nikarin min bi vî awayî biçewisînin. Em wisa nakevin. Darbeya 19ê Adarê ya 2025an darbeya dawî ya li vî welatî ye. Hinek ji zarokên vê partiyê re gotin dizin. Lê ew partî zarokên xwe jî dizane û yên bêbextî lê kirin jî dizane. Em kesî nafroşin.”
‘Navenda me ya giştî meclis e’
Ozgur Ozel da zanîn ku êdî navenda wan a giştî meclis e û wiha dirêjî da axaftina xwe: “Seat di 7ê sibe de li vî welatî li ku kesek krîmînal heye anîn li ber partiyê. Partiya me bi TOMAyan dagirkirin. Camê me deriyê me anîn xwarê. Me heta dawiyê li ber xwe da. Em dawiyê de jî tevî xaza îsotê û baranê em bi meş hatin ber meclisê. Ew partî ji bilî gaza îsotê ya desthilatê tu mijareke ku xwe paqîj bike tune ye. Ew meclis vîna gel nişan dide. Bi desteserkirina partiyê yên ku difikirin CHPê ji destê bigirin xwe dixapînin. Niha şûn vê Navenda me ya giştî meclisa Tirkiyeyê. Em teslîm nabin û serî natewînin. Ji bo bi serbikevin dimeşin. Çi dikin bila bikin em ê bi serbikevin.”
‘Partiya me cara 3yemîn hat girtin’
Ozgur Ozel destnîşan kir ku partiya wan cara 3yemîn hatiye girtin û wiha bi dawî kir: “Desthilatê û baskên wê yên butlanê cara 3yemîn partiya me girtin. Niha ez wê careke din vedixwînim ku em partiya xwe ji dagirkeriyê rizgar bikin û cara 3yemîn vebikin. Heke CHPê yên hatine rêvebirin rêvenabin û yên desthilatê diyar kirine bi rê ve bibin ew tê wateya CHPê hatiye girtin. Ez ê şev û roj bixebitim û wê sindoqê bînim û partiya xwe ji vê dagirkeriyê rizgar bikim. Piştre jî em ê bi hev re sindoqê bînin welat û ji vê desthilatê rizgar bibin. Ez niha derbasî meclisê bibim û li navenda me ya nû xebatên xwe bidomînim. Ez we hemûyan vedixwînim têkoşînê. Em ê bi hev re bimeşin. Rêya me vekirî be.”
Piştî axaftinê Ozgur Ozel derbasî meclisê bû û girse jî belav bû.
