Neteweyên Yekbûyî bi boneya zêdebûna îdaman, binçavkirinên kêfî û binpêkirina mafên kêmaran biryarek ku 78 welatan piştgirî dayê, rejîma Îranê şermezar kir.
Rejîma Îranê ku bi îdam û binpêkirina mafên kêmar û komên olî di rojevê de ye cardin bû mijara Lijneya Giştî ya Neteweyên Yekbûyî (NY). Li ser pêşnûmayek ji hêla Hikûmeta Kanayê derbarê zordariya Îranê de pêşkêşî Lijneya Giştî ya NYyê hate kirin, di 17ê Kanûnê de hate rojevê. Pêşnûmayan ji hêla Komîteya Sêyemîn ya Lijneya Giştî ve hate erêkirin kete dengdanê. Di encama dengdanê de ji piştgiriya 78 welatan hate erêkirin. Di biryarê de hate bibîrxistin ku li Îranê her ku diçe hejmara îdaman ango darvekirinan zêde dibe. Biryar balê dikişîne ser van xalan: “Li rejîma Îranê hejmara îdaman zêde dike, mirovan bi kêfî digire binçavan, protestoyan bi zorê diçewisîne, mafên gelên kêmar û komên olî bi şidetê binpê dike. Azadiya kêmar û komên olî her ku diçe tengtir dike.”
Îran bi şidetê welatiyan diçewisîne
Di biryarê de hate daxuyandin ku Îran hewl dide li welatên biyanî jî heman rêbazan li dijî gelên kêmar, komên olî û mûxalîfên rejîmê bikar bîne. Hate diyarkirin ku rejîma Îranê welatiyên li dewletên cuda tacîz dike û dixwaze bi şidetê wan biçewisîne.
DYA: Di nav 15 rojên Kanûnê de 54 Kurd hatin girtin
Di malpera Fermî ya Wezareta Karên Derve ya Dewletên Yekbûyî yên Amerîkayê (DYA) de daxuyaniyek hate weşandin. Di daxuyaniyê de li ser zordariya Îranê ku li dijî kêmarên etnîk û olî dimeşîne û wiha hate gotin: “Tenê di du hefteyên meha Kanûna 2025an de 54 Kurd hatin girtin. Ev jî tê wateya ku her ji du rojan carekê 7 Kurd tên girtin. DYA vê zilmê bi tundî şermezar dike û banga li Rejîma Îranê dike ku dest ji zordariya sîstematîk a li ser kêmaran berde.” Di daxuyaniyê de bang li rejîma Îranê hate kirin ku rêzê ji maf û rûmeta gel re bigire.
HRANA: Îro 4 welatî hatin daliqandin
Li aliyê din Saziya Çalakiyên Mafên Mirovan (HRANA) daxuyand ku îro piştrast kirine çar welatî hatine îdamkirin. Li gorî daneyên saziyê, li Zindana Dezfûlê kesek, li Zindana Nowşehrê kesek, li Zindana Esfarayen kesek û li Zindana Sineyê kesek di nav de 4 kes hatin darvekirin. Saziyê bang li raya giştî ya navneteweyî kir ku li dijî zordariyên rejîma Îranê bi hestiyar be.
Kuba û Vietnamê piştgirî dan Îranê!
Hin welat li dijî şermezarkirina Îranê derket in. Balkêşe ku welatê Kubayê û Vietnamê jî di nav van welatan de cih digirin.
