Êrişên çeteyên hikûmeta demkî yên bi piştgiriya dewleta Tirk li dijî taxên Şêxmeqsûd ji nû ve dest pê kirin. Çete bi dijwarî Nexweşxaneya Şehîd Xalid Fecir a taxa Şêxmeqsûdê ya Helebê topbaran kirin.
Taxa Şêxmeqsûd û taxa Eşrefiyê yên Helebê, piştî çend seetan dîsa bûye hedefa çekên giran. Li gorî agahiyên ku ji herêmê digihêjin, taxa Şêxmeqsûd a Helebê, ku piraniya niştecîhên wê kurd in, careke di bin êrîşên giran de ye. Ji aliyê çeteyan topbarankirina taxê destpê kiriye. Hêzên Ewlekariya Hundirîn ragihandin ku ew ê ji bo parastina taxê têbikoşin herwiha şêniyên taxê tevî hemû zehmetiyan diyar dikin ku ew ê axa xwe neterikînin û li dijî her cûre êrîşan li ber xwe bidin.
Çeteyên hikûmeta demkî cara 7ˊan êrîşî Nexweşxaneya Şehîd Xalid Fecir a taxa Şêxmeqsûdê ya Helebê kirin. Ji duh ve ev 7 car e Nexweşxaneya Xalid Fecir a Şêxmeqsûdê ku tê de birîndarên êrişan hene, bi dijwarî hat topbarankirin.
