Senarîst û lîstikvan Murat Çîçek li Japonyayê di dema binçavkirinê de jiyana xwe ji dest da. Malbatê cenazeyê Murat Çîçek anî Stenbolê.
Senarîst û lîstikvan Murat Çîçek ê di Japonyayê wek karker dixebitî di 25ê Hezîranê de li Japonyayê qezayeke trafîkê kir. Piştî qezayê, Murat Çîçek bi îdiaya “Binpêkirina Qanûna Koçberiyê” hat binçavkirin. Murat Çiçek di 2yê Tîrmehê de li Qerekola Takaoyê ya li bajarê Hachijiyê bi awayeke guman jiyana xwe ji dest da û di 8ê Tîmrehê de jî qereqolê agahî da malbata wî.
Malbata Murat Çiçek bi agahî dayînê çû li Japanyayê û li wir polîsan re hevdîtin pêk anî. Malbat ji polîsan re du hevdîtin pêk anîn. Polîsan bi gotinên guman xwestibûn bûyerê ji ser xwe bavêjin û îfadeyên xwe guherandibûn. Malbat ji rayêdaran xwestin ku lêpirsînek bibandor were destpêkirin, gotinên nijadperest ên girêdayî bûyerê werin lêkolînkirin û polîsên ku xwestibûn bûyerê veşêrin, werin darizandin.
Malbatê cenazeyê Murat Çiçek anî Stenbolê. Cenazeya Murat Çiçek niha li Stenbolê ye û dê di demên pêş de malbat ber bi Wanê ve bi rê bikevê.
Tê payîn ku dê cenazeyê Murat Çîçek li Goristana Taxa Nû ya Colemêrgê were veşartin.
