Di 7 û 8ê Hezîranê de li Enqereyê Lûtkeya NATOyê tê lidarxistin. Hem beriya lûtkeyê hem jî di dema lûtke tê lidarxistin de, li her bajaran girtin, binçavkirin û qedexe pêk hat û ev hê jî didome.
Li Qasra Serokkomariyê ya navçeya Yenîmahalle ya Enqereyê Lûtkeya 36emîn a NATOyê tê lidarxistin. Lûtke dê îro destpê bike û di 8ê Tirmehê de bi dawî bibe. Serok û wezîrên 32 dewletên endamên NATOyê ne dê di lûtkeyê de amade bin. Lê ne tenê endamên NATOyê dewletê ne, endamên dewletên ne di NATOyê de ne jî tevli lûtkeyê dibin. Piştî lûtkeyê jî dîsa li Enqereyê di navbera serokên dewletan de hevdîtin pêk werin. Li Tirkiyeyê beriya Lûtkeya NATOyê qedexe, binçavkirin û girtin dest pê kir. Îro li tevahî bajarên Tirkyeyê qedexeyên NATOyê heye, bi milyonan welatî di nav OHALekî veşartî de dijîn. Kes nikare çalakiyek li dar bixe, polîs êrişî çalakvanan dike û bi îşkenceyê wan binçav dike.
Heta îro ji bo Lûtkeya NATOyê herî kêm 500 kes hatin binçavkirin û herî kêm 207 kes hatin girtin. Îro hê jî sedan kes di binçav de ne. Lê li dijî tevahî qedexe, girtin û binçavkirinan jî li dijî hêzên hegemonîk çalakiyên gelan didome.
Li Enqereyê her tişt qedexe ye
Walîtiya Karabûkê di 29ê Hezîranê de daxuyanî da û diyar kir ku li Karabûkê bi 10 rojan çalakî hatine qedexekirin. Qedexe dê heta 10ê Tîrmehê berdewam bike. Walîtiya Edenê jî 1ê Hezîranê daxuyanî da û ji bo 10 rojan li bajêr çalakiyan qedexe kir. Ji bo Lûtkeya NATOyê qedexeyên herî zede li Enqereyê pêk tê. Enqere ev zêdetirî 10 rojan wekî OHALêkî bênav dijî. Her tişt hatiye qedexekirin. Avahiyên ku rûyê avahiyê cadeyê dinêre bi nivîsên NATOyê hate qemilandin. Pêşiya avahiyên kevn hate girtin. Rêyên kevn tê nûkirin, kulîlk tên çandin, kolan her saet tên paqijkirin, avahî tên xemilandin. Bi van tiştan desthilatdar dixwaze rûyê xizaniyê li Enqereyê veşere. Ji 2yê Tîrmehê vir ve têketina tanker, mîkserên betona û wesayîtên mezin a bajarê Enqereyê qedexe ye. Wesayitên ku xwarin û derman veguhêzkarî dikin heta 9ê Tîrmehê nikarin bikevin Enqereyê. Di navbera 6 û 9ê Tîrmehê de motorên kûryeyê nikarin bikevin rêyên navênda bajêr. Walîtiya Enqereyê ji 28ê Hezîranê heta 10ê Tîrmehê di nava bajêr de tevahî çalakî, daxuyanî û meşan qedexe kir. Di navbera 6 û 12yê Tîrmehê de li Enqereyê ezmûn, sempozyum, panel, konser, merasîma mezûniyetê û tevahî pîrozbahî hatine qedexekirin.
Zext û qedexe 12yê Hezîranê dest pê kir
*Beriya Lûtkeya NATOyê girtin û binçavkirin di 12yê Hezîranê de dest pê kiribû. Li Balikesîr, Eskîşehîr, Karabuk, Kastamonû, Mêrdîn, Mûgla, Wan û Zongûldakê polîsan avêtibû ser gelek malan. Di encama serdegirtina malan de 14 ciwanên endamên Komeleyên Ciwanên Şoreşgerê (DGD) hatibû binçavkirin. Piştî 3 rojan mayîna di bin çavan de, 10 ciwan hatibûn girtin.
*Di 23yê Hezîranê de li Enqereyê operasyonek berfireh hate lidarxistin. Akademîsyen, ekolojîst, ciwan, xwendekar, parêzer û rojnameger jî di nav de 225 kes hatibû binçavkirin. Ji 225 kesan 178 kes hatibû girtin, ji bo 34 kesan biryara kontrola edlî hatibû danîn, 11 kes jî di bin çav de bûn, hatibûn berdan.
*Di 26ê Hezîranê de li Stenbolê ji 31 kesan ku hatibûn binçavkirin 19 kes hatin girtin. Di nava kesên ku hatibûn binçavkirin de mamoste, bijîşk û parêzer jî hebûn. Kesên ku hatin girtin bi hinceta ‘endamên rêxistinê ne’ û ‘îhtîmal heye ku çalakî bikin’ hatin girtin.
*Li Stenbolê di 29ê Hezîranê de ciwanan li dijî Lûtkeya NATOyê çalakî li dar xistin û 89 ciwan hatibûn binçavkirin. 89 ciwan piştî rojekî karûbarên îfadeyan hatin berdan.
*Di 1ê Tîrmehê de li Edeneyê gelek partiyên siyasî û rêxistinên ciwan xwestin çalakî li dar bixin. 9 kes bi hinceta ‘pankart daliqandine’ hatin binçavkirin.
*Li Hatayê jî di 4ê Hezîranê de polîsan avêt li ser gelek malan. Di sedema serdegirtina malan de 9 kes hatibûn binçavkirin.
*Li Enqereyê di 4ê Hezîranê de polîsan avêt li ser komeleyan û 7 kesan binçav kir.
*Di 5ê Hezîranê de li Stenbolê operasyonek din pêk hat. Seroka şaxa Komeleya Hiqûqnasên a Hemdemî (ÇHD) ya Stenbolê Ezgî Onalan jî di nav de 16 kes hatin binçavkirin.
*Di 5ê Hezîranê de li Îzmîrê 5 ciwanên endamên Tevgera Zanîngeha Azad dema ku xwestin biçin Enqereyê hatin binçavkirin.
Hê jî gelek kes di binçavan de ne
Wekî din 5ê Hezîranê opresyonek berfireh hate lidarxistin, polîsan 18 li bajaran avêr bi ser gelek malan de girt û gelek kes hate binçavkirin. Li Kocaeliyê 3 kes, li Edeneyê herî kêm 8 kes, li Îzmîrê gelek kes, li Antalyayê herî kêm 11 kes û li Rihayê gelek kes hatibûn binçavkirin. Dozgeriya Stenbolê heman rojê daxuyanî da û diyar kir ku li Stenbolê 53, Kocaeliyê 3 kes, Enqereyê 2 û Aksaray, Nîgde, Kiriklarelî, Agirî û Îzmîrê 5 kes bi giştî 39 kes hatiye binçavkirin. Lê li gorî daxuyaniyan di 5ê Hezîranê de zêdetirî 100 kes hatine binçavkirin.
Li Enqereyê heman rojê endamên TKP û HKPê xwestin li Kizilayê çalakî li dar bixin. Polîs êrîşî girseyê kiribû û zêdetirî sedan kesan binçav kiribû.
Ji 12yê Hezîranê vir ve herî kêm 500 kes hatine binçavkirin û herî kêm 207 kes hatine girtin. Hê jî bi sedan kes di binçavan de ne.
