Wezareta Hundirîn a Sûriyeyê ji bo Kurdên li Sûriyê ji qeydan hatine derxistin Biryarnameyak bi Hejmara 144/M weşand û li pênc parêzgehan navendên qeydê vekirin. Serlêdan dê 30 rojan berdewam bike û piştî 63 salan Kurd dê cardin bikaribin mafên xwe yên sivîl paşve bigirin.
Hikûmeta Demkî ya Sûriyê di çarçoveya Peymana 29ê Çile de Biryarnameyek bi Hejmara 144/M a têkildarî paşde dayîna mafên sivîl ên Kurdên di sala 1962yan de ji qeqdan hatine derxistin, weşand. Li gorî Biryarnameyê dê li parêzgehên Şam, Hesekê, Dêrezor, Helep û Reqayê pênc navendên serlêdanê bêne vekirin. Ev navend dê 30 rojan vekirî bimînin û serlêdanan qebûl bikin. Hemû Kurdên ji qeydan hatine derxistin dikarin serî li van navenda bidin û begeleyên ku tên xwestin radestî navendan bikin.
‘Înkara 64 salan dê bi dawî bibe’
Ji bo qebûlkirina serlêdanan jî belgeyên wekî têkildarî îkametên demkî, bêyî li demê bê nêrîn belgeyên ji hêla keyayan ve hatine dayîn, peydên dibistan û wêneyên ku ji sala 1962yan heta niha hebûna wan li Sûriyê nîşan dide, tên xwestin. Navendên peydan dê di demek kin de serlêdanan binirxînin û biryarê bidin. Li dijî serlêdanên nehatine qebûlkirin jî welatî dikarin serî li riyên dadgehê bidin. Bi vî awayî Kurdên bi armanca Erebkirina Rojavayê Kurdistanê 64 sal berî di bin navê, “maktûmeen/kesên bêqed” ji mafên mirovîn bêpar hatine hiştin dê bi dawî bibe.
Çi bibû?
Rejîma Baasê ji bo demografiya Rojavayê Kurdistanê biguherîne û bajarên Kurdan erebîze bike, di Cotmeha 1962yan de zagonek derxist. Ev zagon tenê li herêma Hesekê hate cî bi cî kirin. Nasnameyên bi deh hezaran Kurdan hatin betalkirin û hemû mafên wan hatin betalkirin. Bi vî awayî mal, milk û tapoyên Kurdan ji destê wan hatine girtin û li Ereban hatin belavkirin.
Kurd dê bikaribin doza axa xwe bikin
Piştî peyd hatin qebûlkirin Kurd dê bikaribin doza mafên xwe yên di sala 1962an hatine qaspkirin, paşve bigirin. Ji ber ku di Biryarnameya 13emîn û Peymana 29ê Çile de tê destnîşan kirin ku ziyanên ji ber bêqeyd hiştinê derketine holê dê bên îade kirin. Wekî encamek girîng a Şoreşa Rojava bi pêkanîna vê rewşê dê hewildanên guherandina demografîk a 64 sal berî niha û înkara nijadperestiya Baasê jî ji holê bê rakirin.
