Li bajarê Silêmaniyê bi dirûşmeya Sosyalîzma demokratîk dê bi ciwanên rêxistinkirî bi ser bikeve” a ciwanan hat lidaxistin.
Konferansa Ciwanên Başûrê Kurdistanê di bin pêşengtiya Rêxistina Yesna de bi dirûşmeya ‘Sosyalîzma demokratîk bi ciwanên rêxistinkirî dê bi ser bikeve’ û bi beşdariya zêdetirî 100 ciwanên ji bajar û bajarokên Başûrê Kurdistanê li hotêla Dawa ya li Silêmaniyê danê sibehê destpê kir. Di konferansê de texrîbatên nijadperestî, zayendperestî û olperestiyê hatin nîqaşkirin. Piştî nîqaşan encamnameya konferansê ji aliyê Dilvîn Şêrewan ve hat xwendin.
Di encamnameyê hat destnîşan kirin ku bi tevlîbûna hemû ciwanên ji deverên cuda yên Başûrê Kurdistanê bi dirûşma ‘Sosyalîzma demokratîk bi ciwanên rêxistinkirî dê bi ser bikeve’ konferansek li dar xist.
Hat diyarkirin ku divê bi raman û nêrîneke ciwanan li pirsgirêkên civakê bên nîqaşkirin, ciwan jî raman û nêrînên xwe li ser mijarê hebe û ev hate gotin: “Ciwan xwedî xwedî roleke dîrokî heye li ser mijaran. Divê nasnameya ciwanan lê bê vegerandin ku ji destan hatiye girtin. Armanca me ya serke ji vê konfernasê ewe ku di demekê de pirsgirêkên ciwanan pirin, bên nîqaşkirin.”
Di konferansê de encamên hatin derxistin wiha hat rêzkirin:
“Pêwîste xwendineke nû ya dîroka Kurd heye ji destpêka dîrokê ve. Divê rola Kurdan ya têkiliya bi civak û desthilatên din re bê nîşandan.
Divê kar bê kirin ku pêşiya ew peymanên di serdema hemdem û sedsala 20’an de hatin îmzekirin û bûne sedema qirkirina Kurdan bê girtin ku Kurd bibin xwedî deng, hebûna xwe biparêze û di sedsala nû de xwedî rolek bibandor û çareser be.
Divê kar bê kirin ku ji bo bi hev re jiyana ciwanan ya di navbera gelan û derbaskirina nasyonlîzmê. Ji ber ku nasyonalîzim dixwaze nakokiyan bixe nava ciwanan, gelekê li ser gelek din ferz bike.
Divê jin îlhamê ji jinên nava dîrokê bigire. Li aliyê din pirsgirêkên wan bibînin, zêdetir bibin xwedî rol û pêşengtiyê ji bo çareseriya pirsgirêkan bike. Pêşiya her cûre cêwaziyên li hemberî wan tê kirin jî bigirin.
Girîngî bi bawerî û ayînekê bidin ku li hemberî amûrên desthilatê bisekine û xwedî roleke ya çêker ya bi hev re jiyînê be.
Pêkanîna civakeke sosyalist û demokratîk di asta jêr ya civakê de be. Xelk bi xwe, xwe bi rê ve bibe.
Divê ciwan xwedî li nasnameya xwe derbikevin, bi hêz û îradeya xwe roleke werçerxane bilîze li nava civakê, bibe pêşengê çareseriya pirsgirêkan.”
