Kongreya neteweyî ya Kurdî ya Bakur û Rojhilatê Sûriyeyê dê hefteya pêş bê lidarxistin.
Partî, hêz û rêxistinên siyasî yên Bakur û Rojhilatê Sûriyeyê amadekariyê kongreya neteweyî ya Kurdî dikin. Kongrê dê hefteya bê were lidarxistin.
Çav li rê bû ku encamên dan û standinan û reşnivîsa yekitiya partî, hêz û rêxistinên Kurdî di Newrozê de hatibana eşkerekirin, lê komîteya amadekar ji ber hin astengiyan eşkerekirina encamên dan û standinan taloq kiribû.
Li ser daxwaza gel; hêz, partî û rêxistinên siyasî yên Kurdî yên li Bakur û Rojhilatê Sûriyeyê li ser belgeya yekitiyê li hev kir.
Li gorî berpirsan, belgeya ku partî û hêzan li serê li hev kiriye, tekeziyê li ser avakirina komîteyekw ji bo gotûbêjkirina mafên gelê Kurd bi desthilata Şamê re, bidestxistina mafên Kurdan û tevlêkirina wan di destûra nû ya Sûriyeyê de dike.
16ê Adara îsal partiyên kurdî di civînekê de lidarxistina kongreya neteweyî ya Kurdî li Rojava, astengiyên li pêşiya yekrêziyê û lêkolînkirina belgeya siyasî ya ji encamên civînên berê yên di navbera aliyan de nîqaş kiribûn.
