Li Rihayê ji ber baranê lehî rabû û di encamê de gelek mal û kargeh di bin avê de man.
Ji ber baranê li Rihayê gelek mal û kargeh di bin avê de man. Barana ku ev 3 roj in li bajêr dibare, îro di saetên nîvro de bandora xwe hîn zêdetir kir. Ji ber baran zêde bariya û ji ber kêmasiya binesaziyê, li navçeya Eyûbiyê gelek mal û kargeh di bin avê de man. Rê hatin girtin û wesayît li ser rêyan di bin avê de man. Gola Masiyan a dîrokî jî ji ber lehiyê zerar dît.
Walîtiya Rihayê têkildarî lehiya ku li bajêr rû da daxuyanî da û hişyarî da xelkê herêmê ku li gorî şertên hewayî tevbigerin.
