Li Îzmîrê dema 6 kesên duh bi şev di çalakiya şermezarkirina êrişên ser Rojava de hatine binçavkirin, hate dirêjkirin.
Duh bi şev li Îzmirê, di çalakiyên ji bo şermezarkirina êrişên ser Rojava û Suriyeyê hatine lidarxistin de 6 kes hatin binçavkirin. Hat ragihandin ku Serdozgeriya Îzmirê dema binçavkinê rojekê daye dirêjkirin.
Hêzên Ked û Demokrasiyê yên Îzmirê, ji bo şermezarkirina êrişên komên çeteyên HTŞ, DAÎŞ û komên paramîlîter ên Tirkiye bi rê ve dibe, li navçeya Alsancaka Îzmîrê bangawaziya çalakiyê kirin. Polîsan êrişî çalakiyê kir û 6 welatî binçav kirin.
Navên binçavkiriyan
Navên kesên hatine binçavkirin û dema wan a binçavkirinê hatine dirêjikirin wiha ne: “Îshak Akman, Amîne Aysel, Ceren Agac, Adar Akdag, Alî Ekber Guleser, Serdar Bayram.”
Tûndiya polîsan
Rêvebera Şaxa Komeleya Mafên Mirovan (ÎHD) a Îzmirê Parêzer Nazlı Turan û Rêvebera Şaxa Îzmirê ya Komeleya Hiquqnasên ji bo Azadiyê (OHD) Parêzer Hanım Çelik jî rastî tundiya polîsan hatin.
