Li Îranê welatiyê bi navê Ghaem Hosseini yê ku beşdarî çalakiyên ku di meha Çileyê de hatin lidarxistin bûbû, hate darvekirin.
Ajansa nûçeyan a Tasnim a nîvfermî ya Îranê da zanîn ku welatiyekî biyanî yê ku têkildarî xwepêşandanên di meha Çileyê de dihat sûcdarkirin, hatiye darvekirin.
Hate diyarkirin ku Ghaem Hosseini yê ku tê îdiakirin beşdarî xwepêşandana 8ê Çileyê ya li bajarê Malekşahr ê Isfehanê bûye, vê sibê hatiye darvekirin. Her wiha di wê xwepêşandan de çar polîsan jiyana xwe ji dest dabûn.
Di nûçeyê de hate îfadekirin ku beriya niha jî welatiyên bi navên Erfan Esfandiarî, Gol Mohammad Mohammadî, Amir Hossein Safarî û Abolfazl Sepahî ji ber vê bûyerê hatine darvekirin.
