Êlih – Girtiyê bi navê Resûl Çeker ku 31 sal in girtî ye û niha li Girtîgeha Tîpa T a Beşîkduzuyê tê ragirtin diyar kir ku li girtîgehê binpêkirinên mafan zêde ne û xwest parêzer û parlamenter biçin serdana wan.
Girtiyê bi navê Resûl Çeker ê 51 salî ye di sala 1994an de li Êlihê tê binçavkirin û li Dadgeha Ewlekariya Dewletê (DGM) tê darizandin. Resûl Çeker ê bi sûcdariya “Yekitiya dewletê xirekir” tê girtin û 36 sal cezayê hefsê yê muebbetê lê hatiye birîn 31 sal in girtî ye. Resûl Çeker ê cezayê lê hatiye birîn di 31ê Tîrmeha 2024an de xelas bûbû, ji bo ku neyê berdan ji ber çalakiyên ji bo mafên xwe lidarxistibûn û li hemberî lêgerîna tazî derketibû 2 sal û 8 meh ceza lê hate birîn û berdana wî hate taloqkirin.
‘Mafê xwegihandina tenduristiyê tê binpêkirin’
Resûl Çeker ê niha li Girtîgeha Tîpa T a Beşîkduzuyê ya Trabzonê tê ragirtin di 19ê Tîrmehê de bi telefonê bi malbata xwe re axivî û binpêkirinên mafan ên li girtîgehê vegotin. Resûl Çeker diyar kir ku wan nabin nexweşxaneyê û bi vî awayî mafê wan ê xwegihandina tenduristiyê tê binpêkirin. Resûl Çeker bi lêv kir ku mafê wan ê lidarxistina atolyeyan û birina sporê jî tê binpêkirin û da zanîn ku ji ber radyoyê nadin wan agahiyan ji derve nastînin. Resûl Çeker xwest ku ji bo ev binpêkirin bikevin rojevê parêzer û parlamenter biçin serdana wan.
